د اډیالا زندان ادارې د زیارت یا پنجشنبې په ورځ د بندي شوي پخواني وزیر اعظم نواز شریف، د هغه لور میریم نواز او زوم کپټن محمد صفدر او د دوي د وکیلانو ترمنځ لیدنه لغوه (کنسل) کړې ده.
د وکیلانو یوې ډلې غوښتل د نواز شریف له کورنۍ سره د دوی د ځینو ملکیتونو په اړه خبرې وکړې.
د شورو یا چهارشنبې په ورځ وتلي دفاعي کونسل د حساب ورکولو (اکاونټېبېلېټي) قاضي ته وویل، چې د زندان چارواکو دوی ته اجازه نه ده ورکړې چې له خپلو موکلینو سره وویني.
د محکمې له اورونې سره سم د زندان چارواکو د شریف د کورنۍ وکیلانو ته اجازه ورکړې وه چې له هغوي سره په زندان کې وګوري.
ټاکل شوې وه چې د زندان د چارواکو او د وکیلانو په مشوره دغه لیدنه د زیارت یا پنجشنبې د ورځې د غرمې په ۱۱ بجو وشي.
خو کله چې د وکیلانو دغه ډله اډیالا زندان ته رسېږي نو د زندان د مشر لخوا دوی ته د لیدنې د لغوه کېدو ویل کیږي او وکیلان بیا له دغې ټاکل شوې لیدنې پرته بېرته ستنېږي.
