د ایران د ایټمي پروگرام په سر نړي والو خبرو اترو کې برخه اخېستلو دپاره د امریکې خارجه وزیر جان کیري د اتوار په ورځ د اسټریا سرښار ویانه ته رسیدلی دی.
مذاکراتو کې برخه اخیستونکې یو امریکائي چارواکې ویلي ایران د خپل غیر مناسب او نه عملي کیدونکې دریز نه نه دی پشا شوی. چارواکی وايي څه لږ پرمختگ شوی خو د یورینیم د تیارۍ په شمول په ډیرو موضوعاتو لا اختلافات موجود دي.
یو بل امریکائي چارواکې ویلي په دغه موضوعاتو ته پرمختگ بغیر به د مسلې د حل دپاره د جولائي د میاشت د ٢٠ مې نیټې نه ورسته نه ځي.
د ویانه په مذاکراتو کې به د ایران تر څنگ د برطانیه، فرانس او جرمني خارجه وزیران هم برخه اخلي. چین او روس به د خارجه وزیرانو په ځائې نور لوړ رتبه سفارتکاران لیږي.
د ایران نائب خارجه وزیر او د ایټمي چارو مرکچي عباس عرقچي ویلې امید کوي چې خارجه وزیران به د مسلې څه حل را وباسي. هغه وویل د دواړو خواو ترمنځ ژور اختلافات موجود دي.
د راتلونکې اتوار په ورځ د هغه عارضي معاهدې معیاد ختمیدونکی دی چې د ایران لخوا د یورینیم په جوړولو پابندۍ په بدل کې به د غربي نړۍ د طرفه لگیدلې پابندۍ نرمې کړی شی.
نړي وال قوتونه چین، برطانیه، فرانس، جرمني، روس او امریکا ایران سره د اوږد مهاله معاهدې په لړ کې کار کې مصروف دي.
امریکا په ایران الزام لگوي چې د ایټمي پروگرام هدف يي وسله تیارول دي. خو ایران وايي ایټمي پروگرام يي د توانائي د پیداوار دپاره دی.