چارواکي وائي دخيبرپښتونخوا سرښار کې پوليسو ددريوؤ نامعلومو کسانو مړي ترلاسه کړي دي.
دغه مړي دپيښور سره نزدې سيمه متنو کې ترلاسه شوي اؤ دريواړه کسان په سر اؤ سينه په ډزو ويشتل شوي دي،دوژل شوؤ کسانو عمرونه د٢٥ؤ څخه تر ٣٠ؤ کلونو پورې ښودل شوي.
دغه کسان په مخونو ږيرې هم لري، افغانان معلوميږي اؤ دهغوي دکړۀ وړۀ څخه داسې معلوميږي چې تندلاري دي، دوژل شوؤ کسانو مړي دمتنو تاڼې ته رسول شوي دي.
له دې وړاندې پيښور سره نزدې دخيبرپښتونخوا په نوښار سيمه کې هم دنامعلومو کسانو مړي موندل شوي.
پيښور کې ددريوؤ کسانو دغه مړي په داسې حال کې موندل شوي چې تيرکال په ١٦م دسمبر دپيښور په ورسک روډ دپوځ په تابيا په چليدونکي سکول دطالبانو حمله کې د١٣٠ؤ څخه زياتو ماشومانو په ګډون د١٥٠ؤ کسانو دوژل کيدو وروستو پوځ په قبائيلي سيمو اؤ قانون نافذونکو ادارو دهيواد ښاري سيمو کې دورانکارو په ضد کارروائيو کې تندي راوستې.
