د بنگله دېش پلازمينه ډهاکه کې نن د گل په ورځ يو بلاگر وژل شوی دی .
د پوليس يو لوړ پوړي چارواکي واثيق الرحمان د فرانس خبري ادارې ته وئيلي ، چې بلاگر د ډهاکې په بېگنبري ضلع کې د چاکو په گوزار وژل شوی دی .
پوليس افسر وئيلي ، د بلاگر د ليکنو په اړه په فوري توگه کوم تفصيلات مخې ته نه دي راغلي ، خو په بنگله دېش کې له دې وړاندې په ازاده توگه د رائې د اظهار په وجه بلاگران او صحافيان په هدف کړی شوي دي .
د صحافيانو د حقونو دپاره کارکوؤنکي يو نړيوال تنظيم "رپورټرز وِد اؤټ بارډرز" ترمخه د مطبوعاتو د ازادۍ په حواله د ۱۸۰ ملکونو په درجه بندۍ کې بنگله دېش په ۱۴۶م نمبردی .
تېره مياشت هم يو بنگله دېشي نژاد امريکايی بلاگر اويجيت رائ په ډهاکه کې په دغه ډول حمله کې وژل شوی ؤ ، او هغه سره يې مېرمن ژوبله شوې وه .
