د پاکستان پلازمينه اسلام اباد کې په لمړي ځل نن د ګل په ورځ بلدياتي انتخابات کيږي او خلک رايې کاروي . اسلام اباد او خواؤشا سيمو کې د شپږ لاکه او ۷۶زور نه زيات خلک د ووټ اچولو اهل دي .
د اليکشن کمېشن ترمخه د ځايي وخت مطابق د سحر اووه بجو نه تر ماښام پينځه نيمو بجو پورې به بغېر د کومې وقفې نه اسلام اباد کې ووټونه اچول کيږي .
اسلام اباد کې د پاکستان په تاريخ کې په لمړي ځل بلدياتي انتخابات کيږي .
د پلازمينې په ۵۰ يونين کونسلو کې روانو انتخاباتو کې د ۶۵۰نمائندګانو انتخاب کولی شي ، او د دغو چوکو دپاره نزدې دوه نيم زره کانديدان په مېدان کې دي ، د سياسي ډلو تر څنګ په لويه شمېره کې ازاد کانديدان هم په انتخاباتو کې برخه اخلي .
د انتخاباتو په مهال اسلام اباد کې سرکاري چهټې نه ده اعلان شوې البته چارواکو وئيلي سرکاري دفترې به د ورځې په دوه بجې چهټي کوي د دې دپاره چې ملازمين ووټ وکاروي .
پلازمينه کې د انتخاباتو په مهال د امنيت کلک ګامونه پورته کړی شوي ، د پوليس سره د رېنجرو عسکر هم ځايې په ځايې کړی شوي دي .
پاکستان کې په وروستي ځل بلدياتي انتخابات په کال ۲۰۰۵م کې شوي وو .
تېر کال د دسمبر په مياشت کې بلوچستان صوبه کې بلدياتي انتخابات ترسره شوي ، او د هغې وروستو د روان کال د مئ په مياشت کې په خېبرپښتونخوا صوبه کې بلدياتې ټاکنې شوې وې .
سندهـ او پنجاب صوبه کې بلدياتي انتخابات په درېو پړاؤنو کې کيږي ، چې لمړي دوه پړاؤنه يې ترسره شوي او په پنجاب کې درېم پړاؤ د دسمبر په درېمه او سندهـ کې په پينځم دسمبر ټاکل شوي دي .
