دامريکا صدر براک اوباما خپلو دقومي سلامتۍ مشاورانو ته امر کړى چې ليبيا اؤ نورو هيوادونو کې دې دداعش دپراخيدو دهڅو مخنيوى وکړي.
صدر اوباما په دې خبره زور راوى امريکا چې کله ضروري وگڼي نو هر هيواد کې به دموجودو داعش دترهه گريزو منصوبه جوړونکو مخه نيسي.
صدر اوباما وويل امريکا به دداعش دترهه گريزو منصوبه جوړونکو مخه نيسي ، په ځانگړې توگه دليبيا پشان هاغو سيمو کې چرته چې واکمني کمزورې يا محدوده ده اؤ چرته چې داعش دمضبوطو ځالو دجوړولو هڅه کوي.
دامريکا ددفاع وزير ايش کارټر هم ليبيا کې دداعش داثرورسوخ لړ کې دصدر اوباما دانديښنې تائيد کړى دى.
پينټاگون کې خبريالانو سره دخبرو په مهال کارټر وويل دداعش جنگيالي ليبيا کې په تربيتي مرکزونو جوړولو، دغيرملکيانو په بهرتي کولو اؤ دټيکسونو له لارې په پيسو راټولو سره دخپلې اثردحلقې دمضبوطولو هڅې کوي.
کارټر وويل داعش ته به عراق اؤ شام کې په لويو سيمو دقبضې دحربې دکارولو اجازه نۀ شي ورکولى.
