د پاکستان خېبرپښتونخوا صوبې په بنو ضلع کې نن د ګل په سحر يوه بمي چاؤدنه شوې چې په نتيجه کې يې دوه کسان وژل شوي دي .
د پوليس چارواکو په وينا دغه بمي چاؤدنه د بنو په لرې پرته علاقه ناوېد کې د سائيکلو يا پنکچرو په دوکان شوې ده .
چاوراکو وئيلي چاؤدنه د سائيکلو په دوکان په داسې مهال شوې چې د دوکان مالک نن سحر دوکان خلاصوؤ . د چاؤدنې په نتيجه کې دوکاندار او يو بل لاروی کس وژل شوي دي .
د لمړو معلوماتو ترمخه چاؤديدونکي بارودي مواد دوکان سره جوخت اېښودل شوي وو ، او په فوري توګه دا نه ده معلومه چې د چاؤدنې هدف او مقصد څه ؤ .
پوليس وئيلي د پېښې په اړه يې پلټنې پېل کړي دي .
د خېبرپښتونخوا جنوبي سيمه بنو د قبائيلي علاقو سره په پوله پرته ده ، او له دې وړاندې هم په دغه سيمه کې د بدامنۍ پېښې رامنځته شوي دي .
