د پاکستان پنجاب صوبې د پخواني وژل شوي ګورنر سلمان تاثير تښتول شوی زوی شهباز تاثير نزدې څلورنيم کاله وروستو راخلاص کړل شوی دی .
د کورنو چارو مرکزي وزير چوهدري نثار علي خان نن د نهې په ورځ پارليمان ته په وينا کې پخلی کړی چې د سلمان ثاثير زوی د بلوچستان صوبې د کچلاک سيمې نه روغ رمټ ترلاسه شوی دی .
شهباز تاثير په کال ۲۰۱۱م کې د پنجاب صوبې سرښار لاهور نه تښؤل شوی ؤ .
د بلوچستان صوبې چارواکو وئيلي د شهبازتاثير طبعي معائنه شوې او هغه روغ دی .
شهباز تاثير په داسې مهال راخلاص کړی شوی چې د هغه د پلار پنجاب صوبې پخواني ګورنر سلمان تاثير وژونکی ممتازقادري څو ورځې وړاندې تېزندي کړی شوی دی .
د شهبازتاثير د تښتؤل کېدو نه پس په کال ۲۰۱۳م کې د پخواني وزيراعظم يوسف رضا ګېلاني زوی علي حېدر ګېلاني هم تښتؤل شوی ؤ چې تراوسه يې هيڅ پته نه ده لګېدلې .
