دبنګله ديش شمال لويديزه سيمه کې دپوهنتون په يو ازادخياله ښوونکي بريد شوى اؤ وژل شوى دى.
دچارواکو وينا ده چې راج شاهي ښار کې دخالي په سحر پروفيسر رياض الکريم دخپل کور ترڅنګ دبس په انتظار کې ولاړ ؤ چې ګڼو بريدکوونکو په هغه په چاقوانو سره بريد وکړو.
٥٨ کلن دانګريزۍ دغه ښوونکى دګڼو کلتوري پروګرامونو مشاور هم ؤ.
دپيښې پړه چا په غاړه نۀ ده اخستې خو پوليس وايي دهغه وژنه هم اوس اوس دمذهبي انتها خوښو له لوري دازادخياله بلاګرانو دوژونکو په څير وه.
له دې وړاندې امريکا دازادخياله بلاګرانو دوژلو داوسنو پيښو پلټنو لپاره دبنګله ديش حکومت ته دمرستې اؤ مهارت ورکولووړانديز کړى ؤ.
دبشري حقونو ډلو دبنګله ديش په حکومت ددغه رقم بريدونو مخنيوي لپاره دمناسبو ګامونو دنۀ اخستو تور لګولى،بنګله ديش کې دکال ٢٠١٣م راهسې لږ ترلږه شپږ بلاګران اؤ يو ازادخياله خپرونکى وژل شوي دي.
