لاس رسیدونکی لینک

Breaking News

افغان حکومت وايي عملياتو کې ٥٧ جنګيالي وژل شوي


عملياتو کې دوه عسکر هم وژل شويدي

دافغانستان ددفاع وزارت دجمعې په ورځ ويلي دي چې دهيواد په ١٣و ولايتونو کې ترسره شوو تازه عملياتو کې دداعش د٣٦ؤ جنګيالو په ګډون ٥٧ تندلاري وژل شوي او ګڼ شمير نور ژوبل شوي او نيول شوي دي.

عملياتو کې دوه عسکر هم وژل شويدي

دافغانستان ددفاع دوزارت څخه په دې اړه دجاري شوي بيان ترمخه امنيتي ځواکونو دغه عملليات په ننګرهار، لغمان، پکتيا، پکتيکا،پروان، غزني، ميدان وردک، قندهار، فراه، جوزجان، کندوز، بدخشان او هلمند ولايتونو کې ترسره کړي دي.

دبيان ترمخه امنيتي ځواکونو په کوټ او اچين اولسواليو کې دتندلارو ځالې په نخښه کړي او په دغه موقع يې په دروند مقدار کې وسله هم لاسته راوړې ده.

تيره ورځ افغانستان کې دلوړپوړي امريکايي کمانډر جنرال جان نکلسن ويلي وو چې ننګرهار ولايت کې دتندروه ډلې داعش جنګيالو سره نښته کې په ځانګړو عملياتو مامور پينځه امريکايي عسکر ژوبل شوي دي.

تيره اوونۍ کابل کې ترسره شوو دوؤ ځانمرګي بريدونو کې د٨٠ؤ کسانو دوژل کيدو څخه وروستو افغان ځواکونو دداعش په ضد خپله جګړه کې چټکتيا راوستې، کابل کې دشوو بريدونو پړه داعش په غاړه اخستې وه.

XS
SM
MD
LG