د پاکستان بلوچستان صوبې په مرکزي ښار کوټه کې د نامالوم وسله والو په ډزو کې درې پولیس وژل شوي.
د پوليس په وېنا دغه پېښه د کوټه په سرياب روډ باندې د چکي شاواني په علاقه کې رامنځته شوې ده.
په موټر سائيکل سواره وسله وال راغلي د پوليس په پوسته يې ډزې کړي او د موقعې نه په تېښته کې بريالي شوي دي.
د ډزو په پايله کې يوه پوليس په ځای وژل شوی او بل په روغتون کې ژوند د لاسه ورکړی دی. چارواکو ويلي پېښه هدفي وژنه ښکاري.
د پېښې زمه واري لا چا نه ده منلې.
سرياب روډ د کوټې حساسه سیمه ګڼل کیږي او دلته له دې وړاندې هم امنيتي ځواکونه په هدف شوي دي.
د کړکېچ سره مخ بلوچستان صوبه د تېرې اوږدې مودې راهسې د بدامنۍ ښکار پاتې شوې ده.
چارواکي وايي په صوبه کې د امنيتي ګامونه پورته کولو سره وضع ښه شوې ولې بيا هم وخت په وخت د بدامنۍ پېښې رامنځته کيږي.