شمالي کوريا د امریکا د صدر ډونلډ ټرمپ خبرداری ردوي په کوم کې چې نوموړي ويلي د سوشلټ رژيم په ضد به پوځي اقدام وکړي که امریکا ته د ګواښونو لړۍ يې دوامداره وساتله.
شمالي کوريا دا ګواښ د صدر ټرمپ د هغه بيان څخه څو ساعته وروستو کړی دی چې کله هغه پيانګ يانګ ته خبرداری ورکړو امريکا به يې په ضد هر اقدام ته د اُور او غضب څخه ډک ځواب ورکړي.
او د دغه بيان څو ساعته وروستو د شمالي کوريا پوځ ویلي په ګوام د ميزايل برید د جاج اخلي.
ګوام د امریکا د انتظام لاندې ټاپو دی کوم چې د امريکا د خاورې په مقابله کې د ختيځ او جنوب ختيځ اسيايي ملکونو ته نزدې دی.
د ګوام ابادي يو لاک ۶۳زره ده او دا د سېلګرۍ مشهوره سيمه ده چرته چې د جنوبي کوريا او جاپان څخه په لویې شمېر کې سېلګري راځي.
په ګوام کې د امريکې د پوځ يوه غټه اډه ده چرته چې د سمندري جهازونو يو اسکوارډن، يوه هوايي اډه او د سمندري ځواک دفترې هم دي.
د چهارشنبې په ورځ د شمالي کوريا سرکاري خبري ادارې د کوريا د پوځ د وياند د خلې ويلي د بريد حتمي پرېکړه به د شمالي کوريا مشر کم جونګ ان کوي او په پرېکړه به سمدست عمل کيږي.
د ګوام ګورنر اېډي کالوو د شمالي کوريا ګواښ رد کړی او ويلي يې دي دفاع يې په مضبوطو لاسونو کې ده او دويې د هر ډول حالاتو مقابلې ته تيار دي.
کالوو ويلي ګوام يواځې پوځي تاسيس نه دی بلکې د امريکې خاوره ده، د کوم د ساتنې دپاره چې دویې تل د سپينې ماڼۍ سره په تماس کې دي.
يو بيان کې شمالي کوريا په امريکا د دفاعي جنګ تور لګولی او خبرداری يې ورکړی که امریکا په خپله منصوبه عمل کوي نو شمالي کوریا به جګړه ونخلوي او د امریکا په ګډون خپل ټول دښمنان به د ځمکې د مخه لرې کړي.
صدر ټرمپ د سه شنبې په ورځ نيوجرسي کې خبريالانو سره خبرو کې د شمالي کوريا په ضد سخت الفاظ کارولي او امريکا ته د ګواښونو نه په ډډه پاتې کېدو يې ورته ويلي ؤ.
