ملائشیا کې کې دیوې دیني مدرسې داستوګنې په خونه کې د اور لګیدول له امله ۲۴ طالبان مړه شوي دي.
دکوالالمپور پولیس وایي دغه پیښه د زیارت په سحر دپلازمینې کوالالمپور سره نزدې د بجلۍ د شارټ سرکټ په وجه رامینځته شوې ده.
داور وژنې دمحکمې یو چارواکي ابوعبیده محمد خبریالانو ته ویلي اور د مدرسې دطالبانو داستوګنې په خونه کې په دریم منزل لګیدلی ؤ چې دهغې له امله د زیاترو طالبانو ساه ګانې بندې شوې اؤ مړه شوي دي.
هغه ویلي ددغه خونې نه د وتلو یوازینۍ لاره د اور لمبو خپله غیږه کې اخستې وه چې له دې امله هیڅوک پخپل ژوند ژغورلو ونه توانیدل.
دپولیسو مشر امرسنګهـ وایي مړو شوؤ کې د دیارلسو کالو دعمر نه نیولې تر دوه ویشتو کالو طالبان اؤ دهغوئ استاذان شامل دي.
هغه وایي په ظاهره داسې بریښې چې دغه ټول کسان د زیات لوګي په وجه د ساه بندیدو له امله مړه شوي دي خو وروستو د اورلمبو هم دهغوئ مړي سوځولي وؤ.
دپولیس مشر وینا ده چې ددغه اور نه ۱۴ طالبان اؤ څلور استاذان ژوندي ویستل شوي خو په هغوئ کې هم د شپږو حالت مرګونی دی.
