لاس رسیدونکی لینک

Breaking News

ایران دصدر ټرمپ دګواښ جواب کې دبل ایټمي میزائیل ازموئنه کړې


دایران دغه نوي میزائیل ته خرمشهر نوم ورکړل شوی

ایران دعوه کړې چې تر دوه زره کلو میټره فاصلې د ګڼو وسلو د وړلو اؤ وار کولو یو بل بیلسټک میزائیل کامیابه ازموئنه یې کړې ده.

ایران ددغه میزائیل د ازموئنې اعلان وروستو له هغې کړی چې دامریکا صدر ایران ته ګواښ وکړو چې که د میزائیلو تیارؤلو پروګرام نه لاس پسر نه شو نو امریکا به ورسره خپل جوهري تړون ختم کړي.

دخالي په ورځ دایران سرکاري میډیا ددغه نوي ایټمي توغندي د ازموئنې اعلان کړی دی.

دجمعې په ورځ دپاسداران انقلاب په عسکري سلامۍ کې ددغه توغندي مخکتنه شوې وه اؤ ویلی شوي وؤ چې دا دجنورۍ میاشت کې تیار کړل شوی دی.

دایران دغه نوي میزائیل ته خرمشهر نوم ورکړل شوی اؤ په سرکاري ټي وي یې د ازموئنې منظرونه هم ښودل شوي دي.

تیره میاشت دامریکا صدر ډانلډ پرمپ یوه قانوني مسوده لاسلیک کړې وه چې په هغې کې ویل شوي وؤ که ایران اټیمي وسلو وړونکو میزائیلو ازموئنې دوامداره وساتلې نو نوي بندیزونه به پرې لګولی شي.

د صدر ټرمپ ددغه ګواښ په ځواب کې دایران صدر حسن روحاني ویلي وؤ هغه ته حق حاصل دی چې دخپل هیواد ددفاعي مقصدونو دپاره خپلې میزائیلي پروګرام ته وده ورکړي

XS
SM
MD
LG