په جرمني کې نن انتخابات کيږي او رپورټونه وايي د جرمني مشره اېنګله مارکيل به په څلورم ځل هم خپله څوکۍ ګټي او خپل حريف مارټن شولذ له به ماتې ورکوي
ورستۍ نظر پوښتنې ښايي د مېرمن مارکېل پارټي کرسچين ډيموکرېټک يونين او ددې ملګرې بله کرسچين سوشل يونين پارټي به نني انتخابات ګټي خو دحکومت جوړولو لپاره به ورسره اکثريت نه وي
په جرمني کې د پارليمان د 598 څوکيو لپاره هر تن دوه ووټونه اچوي په دې کې نيمايي راې د ځايي پارليماني غړو لپاره وي
باقي پاتې نيمې څوکۍ یعني 299 د جرمني په 16 وفاقي ریاستونو وېشل شوي دي
رپورټونه وايي په دې انتخاباتو کې به هم د مېرمن مارکېل کرسچين ډيموکرېټک ګوند يا CDU بريالی کيږي
په دويم نمبربه د مارټن شولذ سوشل ډيموکرېټک پارټي SPD زياتې څوکۍ ګټي مارټن شولذ د يورپي پارليمان پخوانی صدر دی دده په اړه اټکل کيږي چې 4 مه برښه راې به اخلي
هم داډول په دريم نمبر به ښۍ اړخيزه ګوند الټرنټيو فارجرمني AFD)) زيات ووټونه اخلي ددې ګوند مشري آليس وېلډل او الېګزېنډر ګولانډ کوي څوک چې د پناه ګزينو او د يورپي يونين سخت مخالف دي او ورته د غريبو جرمنيانو ملاتړ ترلاسه دی
په جرمني کې هر څلور کاله پس صدارتي انتخابات کيږي