د پاکستانۍ وژل شوې ماډلې قنديل بلوچ د وژنې مقدمه کې د عدالت نه تښتېدلی مفتي عبدالقوي نيول شوی دی.
د پوليس په وېنا عبدالقوي د ملتان نه جهنګ علاقې په لار کې نیول شوی دی.
له دې وړاندې مفتي عبدالقوي هغه وخت د عدالت نه په تېښه کې بريالی شوی چې کله عدالت د هغه د نيولو نه وړاندې د ضمانت خواست رد کړو.
له دې وړاندې خبر
د پنجاب صوبې ملتان په سيشن عدالت کې نن د چهارشنبې په ورځ د مفتي وکیل خپل دلايل پوره کړي او عدالت بيا د نوموړي د نیولو نه وړاندې د ضمانت خواست نه دی منلی.
راپورونه وايي هم په دغه مهال مفتي د عدالت نه په تېښته کې بريالی شوی او د هغه د نيولو دپاره پوليس عمليات پېل کړي دي.
قنديل بلوچ چې تېر کال د جولایۍ په میاشت کې وژل شوې د وژل کېدو وړاندې د هغې د مفتي عبدالقوي سره د ټولنيزو اړیکو په وېب پاڼو عکسونه خپاره شوي وو.
د قنديل بلوچ وژنه کې د هغې دوه وروڼه نيول شوي دي.
عبدالقوي د بلوچ د وژنې په پلټنو کې شامل کړی شوی ځکه چې د هغې پلار ويلي ؤ زوی یې د عبدالقوي منونکی دی.
عدالت مفتي ته د ۱۷م اکتوبر پورې ضمانت ورکړی او سه شنبې په ورځ هغه د وکيل سره عدالت ته مخامخ شوی او عدالت ته يې د دلايلو پوره کولو دپاره د ننۍ ورځې وخت غوښتی ؤ.
راپورونه پوليس د قنديل بلوچ د وژنې په اړوند عدالت ته پوره رپورټ نه دی وړاندې کړی او نه د مفتي نه په دغه کېس کې پولیس پلټنې کړي دي.
مفتي عبدالقوي د پاکستان د مياشتې ليدنې کمېټۍ نه وروستو له هغې وويستل شو چې د قنديل بلوچ سره یې عکسونه خپاره شو.