د خېبرپښتونخوا مردان ضلع کې د پوليس په يوه پوسته وسله وال بريد کې لږ تر لږه دوه پولیس وژل شوي دي.
د مردان د پولیسو وياند فرمان علي خان په وېنا دغه پېښه نن د دوشنبې يا ګل په سهار د شېرګړه په شګو ناکه پوسته باندې رامنځته شوې ده.
د پوليسو وياند پخلی وکړی چې نامالومو وسله والو په پوسته موجود پوليسو باندې ډزې کړي چې له امله يو پولیس په ځای ژوند د لاسه ورکړی او بل په روغتون کې ساه ورکړې ده.
هغه وويل په وژل شوؤ کې يو حوالدار فرهاد علي او سپاهي محمدنوازشامل دي.
د فرمان په وېنا لوړ پوړي پوليس چارواکي وايي د پېښې موقعې ته رسېدلي، په علاقه کې د لټون عمليات پېل کړی شوي او پلټنې پېل کړی شوي دي.
مردان کې له دې وړاندې هم په پولیس باندې دغه ډول وسله وال بريدونه شوي دي.
خو د پوليس وياند ترمخه تازه پېښه کې په سمدستي توګه دا نشي ويلی چې بريد چا کړی دی.
هغه وويل شېرګړه د ملاکنډ ضلعې چې (د صوبې د انتظام لاندې قبايلي سيمه) ده، د سخاکوټ سره يې پوله لګېدلې او په دغه ځای کې د نشه يي توکو قاچاق هم کيږي په ځينو وختونو کې د پولیس د قاچاقبرو سره هم نښتې کيږي.