د امريکې کاروباري مجلې فوربز د نوميالو کسانو په نوملړ کې شپږ پاکستاني اصله کسان هم شامل دي، دوي د ۳۰ کالو نه کم عمره هغو تنانو په نوملړ کې ځای جوړ کړی چې په خپلو خپلو شعبو کې يې لاس ته راوړني کړي دي.
فوربز هر کال د ۶۰۰ کسانو نوملړ خپروي دا هغه خلک وي چې د صنعتونو، هنر او طرز، تعليم، لوبو، خوراک، شرکتي ټېنکالوجۍ او مطبوعاتو په ۲۰ برخو کې يې په لاس ته راوړنو نوم ګټلی وي.
د کال ۲۰۱۸م په خپور کړي نوملړ کې د ۳۰ کالو نه کم عمره شپږ پاکستاني هم شامل دي چا چې په خپلو شعبو کې لاس ته راوړني کړي دي.
د فوربز په نوملړکې شامل شپږ پاکستاني
۲۹ کلنه انا خان په کال ۲۰۱۲م کې امريکا کې د بسميروينچر پارټنر په نوم شرکت برخه جوړه شوې خپله دنده کې يې په ښه کارکردګۍ تراوسه پورې ۱۴۱ملينه ډالره راجمع کړي، د هغې نوم د نړيوال اقتصادي فورم په ګلوبل شېپر کې هم شامل دی.
۲۸ کلنه ساره احمد د انټرنېټ يا اي کامرس د لارې په نيويارک کې د Warp + Weft په نوم يو شخصي شرکت جوړ کړی او د پېل کولو وروستو يې په يو کال کې ۲۵ لاکه ډالرو کاروبار کړی دی.
۲۵ کلن زېد انعام او ۲۸حضرحيات د شرکتي ټېکنالوجۍ په برخه کې ښه کارکردګي ښکاره کړې ده، دوي خپل شرکتونه جوړ کړي خلکو ته پوهه ورکوي. حيات په پاکستان کې د تعليم دپاره يوه غېر دولتي اداره هم چلوي.
۲۹ کلن رضا منیر د کلمب کرېډټ نومې شرکت شريک باني دی او دوي د دغه شرکت د لارې ۵۰۰۰ زده کوونکو ته مالي قرضې ورکړي دي.
۲۸ کلن عباس حېدر د يو ملګري سره د اسپيتو په نوم شرکت جوړ کړی دوي داسې جامې جوړوي چې ګولۍ نه پرېږدي، د وجود دپاره ښې او ښکلې هم ښکاري.
د دې ځوان کاروبار درې لاکه ډالرو ته رسېدلی او ويل کيږي د ۲۰۱۷م اخرې پورې به يې ۲۵ لاکو ته ورسوي.