په لایبیریا کې خلکو د خپل نوي ولسمشر د ټاکلو لپاره د ولسمشرۍ په دوهم دور ټاکنو کې د سې شنبې په ورځ رایه ورکړه.
اوس رایه ورکونکي د ټاکنو پایلو ته په تمه دي کومې به چې ښايي څو ورځې وخت ونیسي.
د فوټبال پخوانی ستوری جیورج وي او د ولسمشر مرستیال جوزیف بوکې پدغو ټاکنو کې سیالي کوي چې د تلونکي ولسمشر ایلن جانسن ځای ونیسي.
ایلن جانسن دوه دورې د لایبیریا ولسمشري وکړه او د دغه هېواد د اساسي قانون له مخې دریم ځل ولسمشرۍ لپاره نه شي درېدلای.
که چېرې د ټاکنو پایلې په ارامه سره ومنل شي نو دا به په تېرو ۷۰ کلونو کې د لومړي ځل لپاره د واک سولیز لېږد ته لاره هواره کړي.