لاس رسیدونکی لینک

Breaking News

کابل: په فرهنګي مرکز د داعش بريد ته سخت غبرګون


افغانستان کې له دې وړاندې هم د شيعه مسلمانانو د عبادت ځايونه داعش په نخښه کړي دي.

د افغانستان پلازمينه کابل کې پرون د پنجشنبې، زيارت په ورځ د شيعه مسلمانانو په تبيان فرهنګي مرکز د داعش په بريد کې ۴۱ تنه وژل شوي او ۸۶ ژوبل شوي وو.

په تبيان مرکز کې د صدای افغان (اوا) خبري ادارې دفتر هم موقعيت لري.

د صحت د عامې روغتيا وياند په بريد کې د ۴۱ تنو د وژنې او ۸۶ د ژوبلېدو پخلی کړی دی، هغه ويلي په وژل شوؤ کې څلور ښځې او دوه ماشومان هم شامل دي.

تندروه ډلې داعش د بريد زمه واري منلې او ويلي يې دي بريد يې د ځانمرګي د لارې کړې او درې بمونه يې هم کارولي دي.

افغانستان کې له دې وړاندې هم د شيعه مسلمانانو د عبادت ځايونه داعش په نخښه کړي دي.

تبيان فرهنګي مرکز باندې داعش دغه برید په داسې حال کې کړی چې هلته يوه ناسته روانه وه.

د فرهنګي مرکز په ودانۍ کې د اوا خبري ادارې دفتر هم موقعيت لري او د دفتر چارواکو ويلي په بريد کې د دوي کارکوونکو ته هم مرګ ژوبله اوختي ده او يو خبريال يې پکې وژل شوی دی.

غندنه او غبرګون

د افغانستان صدر اشرف غني په تبيان فرهنګي مرکز بريد په سختو ټکو کې يې غندلی دی.

د صدارتي ماڼۍ ارګ څخه په جاري شوي بيان کې ويل شوي، "ترهګر باید پوه شي چې د افغانستان خلک اوس د دښمن د ژورو دسیسو په درک او پوهې، خپل دولت سره په همغږۍ او همکارۍ د دښمن د ټولو موخو او شومو پلانونو پر وړاندې په ګډه ودرېږي او د یووالي او همدلۍ د پیاوړتیا لپاره ترپخوا زیات ژمن دي".

بيان کې ويل شوي د افغانستان حکومت ټینګار کوي چې ټولې ترهګرې ډلې به د مينځه لرې کړي او امنيتي دفاعي ځواکونه په ټول هېواد کې د ترهګرو په وړاندې په مبارزه بوخت دي.

د امریکا سپينې ماڼۍ هم د زیارت د ورځې د کابل برید غندلی او پېښه کې د مړو ژوبلو سره يې غمرازي او خواخوږي کړې ده.

سپينې ماڼۍ ويلي، " امریکا د افغان اولس او ملي يو والي د حکومت سره د نزدې نه کار کوي چې په دغه بريد کې ککړ د قانون منګولو ته راولي او دښمن به د افغانستان ورانولو او افغان اولس بيلولولو کې کامياب نشي".

افغانستان کې د نېټو ځواکونو ماموريت هم دغه خونړی بريد غندلی دی.

د نېټو ماموريت ويلي، زمونږ شريک دښمن دې پوهه وي چې ګټه به ترلاسه نکړي او افغان اولس به د دوي په وړاندې غلی هم پاتې نشي.

په افغانستان کې د ملګرو ملتونو مرستندويه مشن(يوناما) هم د بريد غندنه کړې ده.

طالبانو ويلي دغه بريد يې نه دی کړی.

XS
SM
MD
LG