لاس رسیدونکی لینک

Breaking News

امریکا وایي اوس به له ترهګرۍ زیات پام روس اؤ چین ته ګرځوي


ددفاع وزیر ویلي روس اؤ چین غواړي نړۍ دخپل ځان په څیر دامریت خوښو حکومتونو سره اشنا کړي

دامریکا ددفاع وزیر جیمز میټس ویلي چې امریکا ته دچین اؤ روس څخه خطرې سیوا کیږي اؤ اوس به امریکا دترهګرۍ څخه زیات دغه لوري ته خپل پام ګرځوي.

واشنګټن کې دامریکا ددفاعي تګلارې د اعلانولو په مهال ددفاع وزیر ویلي روس اؤ چین غواړي نړۍ دخپل ځان په څیر دامریت خوښو حکومتونو سره اشنا کړي.

هغه وویل روس دخپلو نزدې ریاستونو د پولو څخه سرغړونې کړي اؤ دخپلو ګاونډیانو داقتصادي،سفارتي اؤ سلامتۍ په چارو یې ملګرو ملتونو کې دخپل ویټو طاقت کارولی دی.

همدغه شان په چین دنیوکو په ترڅ کې ښاغلي میټس وویل چین داقتصادي طاقت څخه په استفادې دستراتیژیک بري خپلولو دلارې دخپلو ګاونډیو هیوادونو دپاره ګواښ جوړ شوی اؤ دجنوبي چین په سمندر کې دخپلو عسکرو شمیره هم سیوا کوي.

هغه وویل روس اؤ چین د تیرو څو لسیزو راهسې په پرله پسې ډول خپل دفاعي توانونه زیاتوي تر څو دامریکا مخې ته ودریږي .

دجیمز میټس په وینا “مونږ به دترهګرو دانصاف محکمې ته راکش کولو دپاره خپلو هڅو ته دوام ورکړ خو اوس به دامریکا دقامي سلامتۍ اساسي پام په ترهګرۍ نه بلکې د طاقت په لویه مقابله وي ، که چرې هغوئ زمونږ مخې ته ودریدل نه دا به ډیر بد کار وي”

د روس دبهرنیو چارو وزیر سرګئ لاروف دامریکا په نوې دفاعي تګلاره خپل غبرګون کې ویلي امریکا د نړیوالو قوانینو څخه داستفادې له لارې د خبرو اترو پځایې د جنګ تګلاره خپلوي چې دادهیچا په ګټه نه ده

چین هم په امریکا تور لګولی چې اوس هم د سوړ جنګ په څیر ذهنیت لري.

دچین د بهرنیو چارو د وزارت ویاند چنیانګ ویلي امریکا دې د چین په هکله دبې ځایه بغض څخه په تیریدو دتورونو لړۍ بنده کړي اؤ د سوړ جنګ د مښل شوي ذهنیت نه دې ځان راوباسي

XS
SM
MD
LG