لاس رسیدونکی لینک

Breaking News

سپینه ماڼۍ: سعودي د امریکا او پاکستان تر منځ منځګړیتوب کولای شي


سپینې ماڼۍ نن د شورو- چهارشنبې په ورځ وویل، د سعودي لپاره به دا موقع وي چې د امریکا او پاکستان تر منځ د منځګړي په توګه کار وکړي.

دا څرګندونې وروسته له هاغې کیږي چې د امریکا ولسمشر ډانلډ ټرمپ د ترهګرو ډلو په ضد د پاکستان د کړنو څخه ناراضایتي ښودلې وه.

د ټرمپ د ادارې یو لوړ پوړی چارواکی وايي:

"لکه څنګه چې تاسو پوهېږئ سعودي له پاکستان سره د اوږدې مودې ژورې اړیکې لري. ددغو اړیکو په رڼا کې دا فرصتونه شته چې سعودي د یو مهم منځګړي په توګه رول ولوبوي".

د راپور له مخې، محمد بن سلمان د امریکا د دې غوښتې په اړه د لیدنې په مهال څه نه دي ویلي. د ټرمپ د ادارې ددغه چارواکي څرګندونې په داسې حال کې کیږي چې په سپينه ماڼۍ کې د نهې یا سې شنبې په ورځ د سعودي د ولیعهد محمد بن سلمان له راتګ څخه تود هرکلی وشو.

د دواړو خواوو ترمنځ په خبرو کې د جنوبي اسیا لپاره د ټرمپ د نوې پالیسۍ د پلې کېدو په برخه کې د سعودي په مرستې باندې هم خبرې وشوې چې پاکستان په خپله خاوره باندې د ترهګرو د پټنځایونو د له منځه وړلو په برخه کې کوټلي ګامونه پورته کړي.

همدارنګه په دغو دوه اړخیزو خبرو کې د سوریې، یمن او په منځني ختیځ کې د ایران د رویې په اړه هم خبرې وشوې.

دواړو خواوو د یو شمېر دوه اړخیزو حالاتو، په امریکا کې د سعودي د پانګونې او د یو شمېر دفاعي تړونونو په اړه هم خبرې او پرېکړې کړي دي.

XS
SM
MD
LG