لاس رسیدونکی لینک

Breaking News

د پاکستان د کرکټ ملي لوبډله کې بل پښتون لوبغاړی شاهين اپريدی شامل کړی شوی


د ۱۷کلن شاهين اپريدی تعلق د قبايلي سيمې خېبرايجنسۍ سره لري.

د پاکستان کرکټ بورډ د ويسټ انډيز پرضد د شل اووريزو (ټي ـ ټيونټي) لوبو د سیاليو دپاره اعلان کړې لوبډله کې بل پښتون لوبغاړی شاهين شاه اپريدی هم شامل کړی دی.

د ۱۷کلن شاهين اپريدی تعلق د قبايلي سيمې خېبرايجنسۍ سره لري.

د پاکستان کرکټ بورډ ويلي د کرکټ لوبډلې د منتخب کوونکې کمېټۍ مشر انضمام الحق د کپتان سرفراز احمد او مشر کوچ مکي ارتهر سره د مشورې وروستو د ۱۵ لوبغاړو د ډلې اعلان کړی چې د ویسټ انډيز پرضد به لوبيږي.

د ويسټ انډيز سره د پاکستان لوبډله د اپرېل د مياشتې په لمړۍ، دوېمه او درېمه نېټه د کراچۍ په نيشنل لوبغالي کې مخامخ کيږي.

شاهين اپریدی هم په هغو لوبغاړو کې شامل دی چې د اصف علي او حسېن طلعت سره یې په وروستيو کې د پاکستان سپرليګ درېم په سياليو کې د غوره لوبې د لارې د ټي ټيونټي په ډله کې ځانله ځای جوړ کړی دی.

راحت علي هم په غوره بالينګ کولو ځان په ډله کې شامل کړی دی.

عماد وسيم او رومان رئيس د ژوبلې له امله بيرته په لوبډله کې نه دي راغلي. او عثمان شينواری د ټپي کېدو وروستو بيرته لوبډلې ته راستون شوی دی.

لوبډله کې شامل لوبغاړي: سرفراز احمد (کپتان)، احمدشهزاد، فخر زمان بابر اعظم، شعېب ملک، اصف علي، حسېن طلعت، فهيم اشرف، محمدنواز، شاداب خان، محمدعامر، حسن علي، راحت علي، عثمان خان شينواري، شاهين شاه اپريدی.

XS
SM
MD
LG