لاس رسیدونکی لینک

Breaking News

افغانستان کې ۵۵ ترهګر وژل شوي


د افغانستان د دفاع د چارو وزارت ويلي په تيرو ۲۴ ساعتونو کې د هېواد په بېلابيلو برخو کې ۵۵ وسله وال ترهګر وژل شوي دي.

بدخشان کې هم چارواکو ويلي د تيرو درېو ورځو راهسې د جرم په ولسوالۍ کې په روانو کې عملياتو کې تراوسه پورې ۲۷ تندروه وسله وال وژل شوي دي، دغه خبر طلوع نيوز ورکړی دی.

د دفاع وزارت په خپل بيان کې ويلي د افغانستان د ملي او دفاعي ځواکونو په تيرو ۲۴ ساعتونو کې په ګډو عملياتو کې ۵۵ وسله وال ترهګر وژلي، ۲۷ ژوبل او د ۱۲مشکوکو کسانو په شمول يې ۱۹ تنه نيولي دي.

وزارت ویلي دغه عمليات هوايي او ځمکنو ځواکونو ترسره کړي دي.

ويل شوي ګډ عمليات د ننګرهار، غزني، کندهار، خوست، لوګر، کندهار، بدخشان او هلمند ترڅنګ په څو نورو ولايتونو کې ترسره شوي دي.

د دفاع وزارت په بيان کې ويل شوي چې يواځې ۲۰ تنه طالب ترهګر د کندهار په مېوند ولسوالۍ او ۱۲ نور په اروزګان کې وژل شوي دي.

د وزارت د بيان ترمخه ملي اردو د هیواد د دفاعي ځواک په توګه، په ټول قوت سره حاضر دی چې د خلکو د امنیت او هوساينې لپاره هر ډول قربانې ورکړي.

د بدخشان چارواکو ويلي اته میاشتې وړاندې طالبانو ته په لاس د ورغلې ولسوالۍ پينځه کلي امنيتي ځواکونو پاک کړي او مخ په وړاندې تګ کوي.

XS
SM
MD
LG