لاس رسیدونکی لینک

Breaking News

وتلي پالوانان جان سینا،ټرپل ایچ اؤ انډرټیکر نن سعودي کې جنګیږي


د نړۍ وتلي اؤ مشهور پالوانان جان سینا، انډر ټیکر اؤ ټرپل ایچ نن په لمړي ځل د سعودي عرب په خاوره پالواني کوي.

یوه بهرنۍ نړیواله خبري شبکه وایي د پالوانۍ دغه مقابلې به دسعودي عرب په جده ښار کې کیږي چې پکې به د اووه تمغو دپاره د وتلو پالوانانو ترمینځ لس مقابلې کیږي

دغو مقابلو کې به ګڼ شمیر مشهور نړیوال پالوانان یا د ریسلنګ لوبې کوونکي برخه اخلي خو په دغو پالوانانو کې تر ټولو یاد جان سینا، پرپل ایچ اؤ انډر ټیکر دي چې د لوبو دپاره سعودي عرب ته رسیدلي دي.

دغه خبري شبکه وایي چې سعودي عرب ډبلیو ډبلیو اي سره د لسو کالو یو تړون کړی چې ددغه تړون له مخې به دپالوانۍ دغه شرکت د سعودي عرب په بیلابیلو ښارونو کې د نړیوال معیار د پالوانۍ مقابلې کوي اؤ وتلي پالوانان به ورته راغواړي.

په دې وروستو کې سعودي عرب د خپلو وګړو د ساعت تیري دپاره خپلو یو شمیر قوانینو کې نرمښت کړی اؤ میرمنو ته یې دلوبو میدان ته د ورتګ د اجازې ورکولو ترڅنګ سینیماګانې هم پرانستي چې دسعودي ښځې اؤ سړي پکې په ګڼ شمیر فلمونه ګوري

XS
SM
MD
LG