لاس رسیدونکی لینک

Breaking News

په زوره د خلکو بې درکه کول او د عدالت نه لرې وژنې جرم دی، قضايي کانفرنس


سترې محکمې مشر قاضي ميا ثاقب نثار

په اسلام اباد کې ترسره شوي اتم کاليز قضايي کانفرنس (جوډيشل کانفرنس) په اعلاميه کې ويل شوي د عدالت لرې وژنې او په زوره د خلکو ورکول يا بې درکه کول جرم دی.

په کانفرنس کې قاضيانو او قانوني پوهانو ويلي چې څوک هم د عدالت نه لرې وژنو او خلکو په ورکولو کې ککړ وي د جرم کوونکي په څېر چلند به ورسره کيږي.

قضايي کانفرنس ته د سترې محکمې مشر قاضي ميا ثاقب نثار، نورو قاضيانو او قانون پوهانو وېناوې کړي دي. دغه دوه ورځنی کانفرنس د خالي، شنبې په ورځ سرته رسېدلی دی.

کانفرنس ته په خپله وېنا کې مشر قاضي ويلي، "مونږ به کله هم د خپل سوګند سرغړونه نه کوو او اولس به مايوسه نه کړو" هغه ویلي قاضيان او عدليه د خلکو د اساسي حقونو ساتونکې ده او د دغه دندې د لارې به دوي د هر چا حقونه خوندي کوي.

قضايي کانفرنس کې د خلکو په زوره بې درکه کولو او عدالت نه لرې وژنو خبره په داسې حال کې شوې چې د جنورۍ په مياشت کې په کراچۍ کې د وزيرستان يو ځوان نقيب الله مسید پوليسو په جعلي مقابله کې وژلی او له دغې پېښې وروستو د پښتون ژغورنې غورځنګ پېل شوی د پښتنو د عدالت لرې وژنو او بې درکه کولو ځواب غواړي.

ستري محکمې د نقيب الله په وژنه له خپل اړخه ګام (سوموټو نوټس) اخستی ؤ او د نقيب په وژنه تورن د پوليسو مخکنی افسر راؤ انوار نيول شوی هم دی.

خو د پښتون ژغورنې غورځنګ غوښتنې کوي چې نه يواځې د نقيب په وژن تورن راؤ انوار ته دې د قانون ترمخه سزا ورکړل شي بلکې دغه ډول څومره وژنې چې شوي د هغو د پلټنو دپاره دې عدالتي کمېشن جوړ شي.

دغه ډول غورځنګ دا غوښتنه هم کوي چې د کلونو راهسې د زرګونو په شمېره کې خلک بې درکه دي يا ورک کړی شوي دي دوي دې عدالتونو ته وړاندې شي.

د غېر عدالتي وژنو او خلکو په زوره د بې درکه کولو پرضد د بلوچ مسنګ پرسنز په نوم غورځنګ هم مبارزه کوي.

د قضایي کانفرنس په اعلاميه کې ويل شوي چې د ترهګرۍ ضد قانون عملي کېدو ته اړتيا لري، او مشکوک ترهګر او ترهګرې ډلې دې په سمدستي توګه غېر قانونه وګرځول شي، دغو ډلو ته دې د غونډو کولو، د پروپېګنډې کولو او په انتخاباتو کې د برخې اخستو اجازه ور نه کړل شي.

مشر قاضي ويلي، که کله هم د قانون جوړؤنکو يا واکمنو لخوا د اساسي حقونو لکه صحت او تعليم په برخه کې سرغړونه کېده عدالت واک لري چې مداخله پکې وکړي.

د کانفرنس په اعلاميه د عمل کولو دپاره د قاضيانو او قانون پوهانو يوه ګډه کميټي هم جوړه کړی شوې ده او په دغه اعلاميه کې د چين ـ پاکستان اقتصادي راهدارۍ (سي پېک) د لارې د سيمې د اقتصاد د ثبات او مسلو د حل کولو په سر هم خبرې شوي دي

XS
SM
MD
LG