لاس رسیدونکی لینک

Breaking News

ټرمپ او کِم سنګاپور ته رسېدلي دي


د امریکا صدر ډانلډ ټرمپ د نهې، سه شنبې په ورځ د شمالي کوريا مشر کِم جونګ اُن سره د ليدنې دپاره د اتوار، يکشنبې په ورځ سنګاپور ته رسېدلی دی.

ويل کيږي په دغه ليدنه کې به د شمالي کوريا پرضد د دوی د ايټمي وسلو په اړوند د کړکېچ په سر خبرې وشي.

ټرمپ د کېنېډا په کوبېک ښار کې د جی سېون مشرانو په غونډه کې د ګډون وروستو سنګاپور ته رسېدلی دی.

د شمالي کوريا د مشر سره د ليدنې په اړوند يوې پوښتنې ته په ځواب کې ښاغلي ټرمپ ويلي، ډېر ښه محسوسوم.

د شمالي کوريا مشر اُن د ټرمپ نه وړاندې د اتوار، يکشنبې په سهار سنګاپور ته رسېدلی او د سنګاپور وزيراعظم سره يې ليدلي وو.

اُن د امريکا د صدر سره د ليدنې دپاره په کوربه توب کولو د سنګاپور د وزیراعظم لي سئينګ مننه کړې او ويلي يې دي که دا ليدنه کاميابه شوه د سنګاپور نوم به په تاريخ کې تل ياد ساتلی کيږي.

د سنګاپور د بهرنيو چارو وزارت ويلي وزيراعظم د کِم او ټرمپ د ليدنې پرېکړه ستايلې ده.

ويل شوي د سنګاپور وزیراعظم به د ګل، دوشنبې په ورځ د صدر ټرمپ سره وويني.

صدر ټرمپ او کِم جونګ اُن به د نهې،سه شنبې په ورځ د سنګاپور بندر ته نزدې ټاپو سين توسا کې تاريخې ليدنه کوي.

XS
SM
MD
LG