لاس رسیدونکی لینک

Breaking News

افغانستان سره دټیسټ سیالۍ په وړومبۍ ورځ هندي توپ وهونکو چټک لوبه کړې ده


دافغانستان اؤ هند د ټیسټ کرکټ د تاریخي سیالۍ په پیل کې دهندي لوبغاړو شیکهر دهاون اؤ مرلی وجی د د زړه پورې سلیزو له امله د هند لوبډلې د وړومبۍ ورځې دسیالۍ په وړومبي پړاؤ کې د شپږو لوبغاړو په سوزیدلو ۳۴۷مندې جوړې کړي دي.

دټیسټ کرکټ په تاریخ کې دا د افغانستان وړومبي سیالي ده اؤ افغان لوبډلې دنړۍ د ټیسټ کرکټ کوونکې ۱۲مې لوبډلې ویاړ ترلاسه کړی دی.

د پنجشنبې په ورځ دهند په بنګلور ښار کې پیل شوي دغه یوازینۍ ټیسټ سیالۍ کې د هندي لوبډلې سرپرست کپتان اجنګیا راهانی د پچې په ګټلو سره د وړومبي توپ وهنې پریکړه وکړه .

دهند لخوا وړومبی شیکهر هاون اؤ مرلی وجی توپ وهنې ته راووتل اؤ ۱۶۸منډې یې جوړې کړې.

دهاون د ۱۰۷منډو په جوړؤلو وتوانیدو خو وروسته د یامین احمدزئ په لاس وسوزیدو.

دهغه نه وروسته لوکیش راهول د مرلی وجی ملګرتیا ته راووتلو اؤ دواړو لوبغاړو د دوهم وکټ په ملتیا ۱۱۲ منډې جوړې کړې اؤ د خپلې لوبډلې منډې یې ۲۸۰ؤ ته ورسولې.

دچائیو ددمې نه وروسته د باران له امله لوبه ودریدله خو چې کله بیا پیل شوه نو هندي لوبډلې د یو لوبغاړي په سوزیدو ۲۶۴ منډې جوړې کړې وې ،

دهند ملی وجی د ۲۰۵ؤ منډو په جوړؤلو د افغان توپ اچوونکي وفادار په لاس د منډې جوړؤلو په مهال وسوزیدو.

له هغې وورسته یامین احمدزئ د لوکیش راهول په سوزؤلو بریالی شو چا چې ۵۴منډې جوړې کړې وې.

کله چې د هند منډې ۳۱۸ته ورسیدلې نو کپتان اجنکیا راهانی یوازې د لسو منډؤ په جوړؤلو وسوزیدو.

همدغه راز هندي لوبغاړی چتیشورپجارا هم د زیاتو منډو په جوړؤلو ونه توانیدلو اؤ د۳۵منډو جوړؤلو نه وروسته د مجیب الرحمان په لاس وسوزیدو.

له دې وورسته هردک پانډیا اؤ روي چندرن ایسون د ورځې تر پایي خپله هیڅ یوه وکټه غورځیدو ته ورنکړه اؤ اؤ دوړومبۍ ورځې د لوبې په مهال یې د شپږو لوبغاړو په سوزیدلو ټولې ۳۴۷مڼدې جوړې کړې.

دهند پانډیا په لسو اؤ ایشون د اوو منډو په جوړؤلو سره ناسوزیدلي پاتې دي .

دافغان لوبډلې یامین احمدزي دوه، وفادار،راشد خان اؤ مجیب الرحمان یو،یو لوبغاړی سوزولی دی

XS
SM
MD
LG