د افغانستان د کورنيو چارو وزارت ويلي د پکتيکا د ځانګړو قوماندان عزیزالله کاروان په کابل کې په يو وسله وال بريد کې وژل شوی دی.
چارواکو ويلي کاروان د زيارت، پنجشنبې په ماسخوتن کابل کې په وسله وال بريد کې وژل شوی دی.
نوموړي پوليس افسر په پکتيکا کې ياد قوماندان ؤ او د ځايي ميډيا ترمخه هغه ځايي پوليس جوړ کړي وو.
پژواک خبري ادارې ويلي په عزيزالله کاروان د بريد زمه واري طالبانو منلې ده.
هغه په خپل ژوندانه ويلي ؤ چې څو ځله پرې وژونکي بريدونه شوي چې پکې ځانمرګي بريدونه هم شامل ؤ او هغه په څو بريدونو کې ټپي شوی او د درملنې وروستو يې بيرته دنده پېل کړې وه.
هغه دا هم ويلي ؤ چې د وسله والو طالبانو سره په جګړه کې يې په سلګونو سرتيري ملګري وژل شوي وو.
افغانستان کې د چاؤدنو، ځانمرګو بريدونو او وسله والو بريدونو سره هدفي وژنې هم دوام لري.
