د کېنېډا په ټورنټو ښار کې د يو وسله وال تن په ډزو کې يو تن وژل شوی او ۱۴ نور ژوبل شوي دي.
د ټورنټو د پوليس مشر مارک سونډرز ويلي د ډزو پېښه د اتوار په شپه د ښار د مرکز سره نزدې په ګريک ټاؤن کې د ګڼې ګوڼې په علاقه کې رامنځته شوې ده.
د راپورونو ترمخه برید کوونکي تن په رستورانټو ناستو کسانو باندې ډزې کړي دي.
د ډزو په پېښه کې يوه ښځه وژل شوی او ۱۴ نور ژوبل شوي دي.
ويل شوي وروستو پولیس موقعې ته رسېدلي برید کوونکی تن يې په ډزو وژلی خو د هغه پېژندګلو لا نه ده شوې.
پوليس مشر ویلي د ډزو پېښه اتفاقي نه ده او د ترهګرۍ امکان هم نه شي رد کېدی.
