سعودي عرب د ګل، دوشنبې په ورځ په کورنيو چارو کې د "لاس وهنې" په تور د کېنېډا سفير د خپل هېواده ويستلو او په کېنېډا کې د خپل سفير بيرته رابللو ويلي دي.
رياض د اوټاوا سره د سوداګريزو اړيکو ودرولو هم ويلي دي.
د ای اېف پي ترمخه دغه بدلون وروستو له هغې رامنځته شوی چې کېنېډا په سعودي عرب کې د بشري حقونو د فعالانو په سمدستي ډول د خوشي کولو خبره کړې وه.
د سعودي عرب د بهرنيو چارو وزارت ویلي، "د سعودي عرب دولت به کومه بهرنۍ لاس وهنه قبول نه کړي او نه به د کوم هېواد په اشارو وچليږي".
سعودي عرب اعلان کړی خپل سفير د مشورې دپاره راغواړي.
د بهرنيو چارو وزارت د کېنېډا سفير ته په ۲۴ ساعتونو کې د دغه هېواد د پرېښودو ويلي او اعلان يې کړی دی چې د اوټاوا سره ټولې نوې پانګونۍ تړي.
په سعودي عرب کې د کېنېډا سفارتخانې د فعالې ثمربداوي په ګډون د بشري حقونو د فعالانو په نيولو اندېښنه څرګنده کړې وه.
سفارتخانې د جمعې په ورځ ټويټ کړی ؤ چې "مونږ د سعودي عرب حکومت ته وايو چې په سمدستي ډول پرامنه فعالان خوشي کړي".
په سعودي عرب کې د ښځو د حقونو فعاله بداوي تېره اوونۍ سره د ملګرو نيول شوې وه.
د سعودي دولت د ښځو د حقونو د غورځنګ څو غړې په دې تور نيولې وې چې دوی د دښمن هېواد په مرسته ملي امنيت کمزوری کوي.
د سعودي د بهرنیو چارو وزارت د کېنېډا په بيان سخت غصه څرګنده کړې وه.
وزارت ویلي "د کېنېډا په بيان کې د خوشي کېدو توری بد مرغي ده او دا د هېوادونو په اړيکو کې د قبلولو وړ نه دي".
