د پاکستان تحريک انصاف (پي ټي ايي) ګوند اسدقېصر د قامي اسمبلۍ او د دغه ګوند مشتاق غني د خېبرپښتونخوا اسمبلۍ وټاکل شو.
مخکني اسپيکر اياز صادق د سپيکر د ټاکنې دپاره د اچول شوؤ رايو اعلان وکړو، او وې ویل د سپيکر د ټاکنې دپاره ۳۳۰ رايې کارول شوي چې پکې اته رد شوي دي.
هغه وويل اسدقېصر ۱۷۶ ووټونه اخيستي او کامياب شوی دی، د اسدقېصر په مقابله کې د مخالفه ګوندونو شريک کانديد د (پاکستان پيپلزپارټۍ) خورشيد شاه ۱۴۶ ووټونه اخيستي دي.
د اسدقېصر نه د سوګند اخستو په مهال د مسلم ليګ ن ګوند غړو اسپيکر په وړاندې احتجاج وکړو نعرې يې وهلې، جعلي ووټ نامنظور...
نن د شورو، چهارشنبې په ورځ د خېبرپښتونخوا د اسمبلۍ سپيکر ټاکنه هم وشوه او د پي ټي ايي مشتاق غني اسپيکر ټاکل شوی دی.
مشتاق غني ۸۱ ووټونه او د هغه په مقابله کې د عوامي نيشنل ګوند لايق شاه ۲۷ ووټونه اخيستي دي.
پاکستان کې د جولايۍ په ۲۵ ترسره شوؤ عامو انتخاباتو کې پاکستان تحريک انصاف ګوند تر ټولو زياتې چوکۍ ګټلي دي.
د ګل په ورځ منتخب شوؤ غړو سوګند پورته کړی، او په هغه مهال د قامي اسمبلۍ د سپيکر او نوي وزيراعظم دپاره د ټاکنې نېټې اعلان شوې وې.
ويل شوي ؤ په ۱۷م اګست به د وزیراعظم ټاکنه کيږي او په ۱۸م اګست به ترې صدر سوګند اخلي.
پاکستان تحریک انصاف ګوند عمران خان د وزیراعظم دپاره نومولی او د مخالفه ګوندونو اتحاد د مسلم ليګ ن ګوند مشر شهبازشريف نومولی دی.
