لاس رسیدونکی لینک

Breaking News

پومپيو: سعودي ژمنه کړې چې د ژورنالسټ د بې درکۍ پلټنې به ګردې نړۍ ته ښکاره کړي


د امريکا د بهرنيو چارو وزير مايک پومپيو ويلي، سعودي عرب ورته باور ورکړی چې د ژورنالسټ جمال خاشقچي په اړوند پلټنې به نړۍ ته ښکاره کړي.

پومپيو د سعودي عرب د سفر وروسته ترکي ته تللی چې د ترکی له صدر رجب طيب اردغان سره وويني.

سعودي ژورنالسټ خاشقچي چې د سعودي عرب د بادشاهت ناقد او په امريکا کې مېشت ؤ د روانې میاشتې د دوېمې نېټې څخه په استنبول کې د سعودي عرب د قونصلګرۍ څخه بې درکه دی.

ترکي ادعا کوي چې خاشقچي د سعودي عرب ايجنټانو وژلی او سعودي وايي ژورنالسټ د قونصلګرۍ نه وتلی دی.

وال سټريټ جنرل خبر ورکړی چې د سعودي عرب کارمندانو خاشقچي وهلی وژلی او ټوټې ټوټې کړی يې دی، ورځپاڼې ويلي د ترکي چارواکو ورسره ثبوتونه شريک کړي دي.

پومپيو ترکي ته د تلو وړاندې خبريالانو سره په خبرو کې ويلي، سعودي ولي عهد محمد بن سلمان او د بهرنیو چارو سعودي وزير عادل الجبېر په دې ټينګار کړی چې پلټنې دې بشپړ شي.

"دوي ژمنه کړې چې څوک کې هم په کوم غلط کار کې ککړ ؤ د قانون منګولو ته به راوستی شي که څه هم هغه لوړ پوړی چارواکی ولې نه وي".

د نړیوالې میډيا د راپورونو ترمخه په استنبول کې د سعودي عرب قونصلګرۍ ته مشکوک کسان په تلو ليدل شوي، او ترکي چارواکو ويلي د خاشقچي د وژنې ثبوتونه يې ترلاسه کړي دي.

د امریکې صدر ډانلډ ټرمپ ويلي سعودي عرب ترهغې پورې قصور وار دی چې څو يې ځان بې ګناه نه وي ثابت کړی.

نوموړي ویلي د سعودي عرب او روس څخه هيڅ مالي ګټې نه لري.

ټرمپ له دې وړاندې په ټويټر ويلي ؤ، "د سعودي عرب د باچا سره یې خبرې شوي او هغه ځان نا خبره ګڼي چې د سعودي د وګړي سره يې څه شوي دي".

له دغې نوموړي خپل خارجه وزير مايک پومپيو سعودي عرب او ترکي ته لېږلی دی.

XS
SM
MD
LG