لاس رسیدونکی لینک

Breaking News

افغانستان کې په دوېمه ورځ انتخابات روان دي


افغان چارواکو ويلي پرون د تشدد او ناامنۍ د پېښو او ځينې تکنيکي ستونزو له امله نن په دوېمه ورځ په ۲۲ ولايتونو کې انتخابات دوام لري.

چارواکو ويلي ؤ د رايو اچولو عمل به تر ماسپښين پورې دوام ولري.

د افغانستان د خپلواکه انتخابي کمېسون ترمخه پرون د خالي، شنبې په ورځ د افغانستان په ۸.۸ ملينه رجسټرډ ووټرانو کې درې ملينو رايې کارولي وې.

پرون چې په کومو سيمو کې رايې اچول شوي د هغو نتيجې نه دي ورکړی شوي ويل کیږي د نومبر د نيمايۍ پورې نتيجې مخې ته راشي.

د اېسوسي اېټډ پرېس ترمخه په افغانستان کې د ملګرو ملتونو دفتر ويلي پرون چې کوم خلک د تکنیکي ستونزو له امله د رايو اچولو نه پاتې شوي هغوی حق لري چې رايې وکاروي.

د افغانستان د کورنيو چارو مرستیال وزير اختر محمد ابراهیمي ويلي پرون طالبانو نزدې ۲۰۰ بريدونه کړي چې پکې ۳۶ تنه وژل شوي وو، په وژل شوؤ کې ۲۷ ملکي وګړي وو.

هغه ويلي په نښتو کې ۳۱ تندلاري وسله وال هم وژل شوي وو.

په پرونو بريدونو کې تر ټولو خونړی ځانمرګی بريد په کابل کې شوی چې پکې ۱۵ تنه وژل شوي وو.

ای پي ويلي نن د اتوار په ورځ هم په ننګرهار کې د سړک غاړې بم په چاؤدنه کې د شپږو ماشومانو په ګډون ۱۱ تنه وژل شوي دي.

XS
SM
MD
LG