لاس رسیدونکی لینک

Breaking News

شمالي وزیرستان: د تېلو د کمپنۍ په ګاډي بريد کې څلور تنه وژل شوي


د شمالي وزيرستان په شوه تحصيل کې په يو وسله وال بريد کې د تېلو د يوې شخصي کمپنۍ په ګاډي بريد کې څلور تنه وژل شوي دي.

د شمالي وزيرستان د انتظاميې په وېنا دغه پېښه پرون د شمالي وزيرستان د افغانستان سره پولې ته په نزدې علاقه کې رامنځته شوې ده.

د سيمې نه د وي او ای ډيوه خبريال عدنان بېټنی وايي انتظامي چارواکو ورته د بريد پخلی کړی چې د نهې، سه شنبې په ورځ نامالومو وسله والو په سیمه کې د تېلو د کمپنۍ په يو ګاډي بريد کړی دی.

چارواکو ويلي د تېلو د کمپنۍ ګاډي په علاقه کې سروی کوله او په دغه مهال پرې بريد شوی او د ډزو سره په ګاډي اور هم لګېدلی دی.

ویل شوي په بريد کې د کمپنۍ دوه کار کوونکي، د ګاډي ډرائيور او يو ساتونکی وژل شوي دي.

ځينې ځايي رسنيو ویلي نامالومو کسانو اول ګاډي تښتولی او د کمپنۍ کارمندان يې يرغمال کړي او بيا يې وژلي دي.

چارواکو ويلي د پېښې ځايې ته يې امنيتي سرتيري لېږلي او پلټنې پېل کړی شوي دي خو په علاقه کې کرفيو نه ده لګول شوې.

په سمدستي ډول د بريد زمه واري هم چا نه ده منلې.

XS
SM
MD
LG