افغان طالبانو ويلي امریکې سره د افغانستان د سولې په اړوند د روانو خبرو په ايجنډا کې د اوربند خبره شامل نه ده.
وايس اف امریکا سره په مرکه کې د طالبانو د قطر د سياسي دفتر وياند سهېل شاهين ويلي په اوسنيو خبرو کې د افغانستان دننه د فرېقېنو ترمنځ په خبرو هم بحث نه کيږي.
د وي او ای د خبريال ایازګل د رپورټ ترمخه د طالبانو وياند ویلي دا وخت په خبرو کې لمړيتوب د خبرو په پايله کې د بهرنيو ځواکونو وتلو ته ورکولی شي او د هغې وروسته به افغانان خپلمنځي خبرې کوي.
هغه ويلي چې د افغانستان نه د امریکې قبضه لرې شي بيا به مخورو افغانانو او پوهانو سره د افغانستان د راتلونکې په اړوند مشوره کولی شي.
طالب وياند ويلي د امریکې سره خبرې روانې دي بشپړ شوي نه دي خو تر هغې به روانې وي چې څو پورې کومې نتيجې ته نه وي رسېدلي.
په قطر کې د امريکا سره په خبرو کې د دوه ورځنۍ دمې په اړوند سهېل شاهين ویلي د مشورې دپاره دمه شوې او هغه د خالي په ورځ بيا د خبرو پېل کېدو ویلي دي.
هغه ويلي د نهې، سه شنبې او شورو، چارشنبې په ورځ زياتې خبرې د افغانستان څخه د امریکايي او بهرنيو ځواکونو په وتلو شوې وې.
طالب وياند زياته کړې دا وخت طالبان د امریکې سره په خبرو کې جدي (سنجيده) دي.
د افغانستان د سولې د خبرو دپاره امریکايي استازی زلمی خليلزاد او طالبان وايي د سولې په خبرو کې مثبت پرمختګ روان دی.