د پاکستان کرکټ لوبډلې باوجود د ډېرو رنزونو جوړلو د انګلېنډ د لوبډلې څخه ماتې خوړلې او دا د پاکستان لوبډلې پرله پسې درېمه سيالي ده چې په انګلېنډ يې بايلي.
د دواړو لوبډلو ترمنځ د پينځه يو ورځنيو سيالیو د څلورمې سیالۍ پچه، ټاس د انګلېنډ لوبډلې ګټلی او لومړی بېټنګ يې پاکستان ته ورکړی ؤ.
پاکستانۍ لوبډلې په ټاکلو ۵۰ اوورونو کې په اووه لوبغاړو اؤټ کېدو ۳۴۰ رنزونه جوړ کړي چې پکې د بابر اعظم ۱۱۵ رنزونه شامل وو.
خو د انګلېنډ کوربه لوبډلې ټاکلی هدف په وروستي اوور کې په اووه لوبغاړو سوځېدو ترسره کړو او سيالي يې په درېو وکټو وګټله.
د انګلېنډ لوبډلې له دې وړاندې په دوه سياليو کې مخالفه لوبډلې ته ماتې ورکړې او په پينځه يو ورځنيو سياليو کې يې د درېو د ګټلو سره سيريز هم په خپل نوم کړو.
د پاکستان د کرکټ لوبډلې کپتان سرفراز احمد ويلي په لوبه کې يې فيلډنګ ښه نه ؤ ځکه د ناکامۍ سره مخ شوي دي.
د دواړو لوبډلو ترمنځ لومړۍ سيالي د باران له امله نه وه شوې. او وروستۍ او پينځمه سیالي په ۱۹ مې ټاکل شوې ده.
پاکستانۍ لوبډلې تازه ماتې په داسې حال کې خوړلي چې د کال ۲۰۱۹م نړیوال کپ د دروانې مياشتې د ۳۰ نېټې څخه پېل کيږي.
د پاکستان لوبډله به په نړيوال کې خپله لومړۍ سیالي د مې په ۳۱م نېټه د وييسټ انډیز سره کوي.