د افغانستان د ننګرهار ولایت په مرکز جلال اباد ښار کې د سیمیزو پولیسو په یوې امنیتي پوستې باندې یوه ځان وژونکې چاودنه شوې.
د ننګرهار د پولیسو ویاند فرید خان رسنیو ته ویلي دي، چې په دغې چاودنه کې چې د زیارت یا پنجشنبې په ورځ، ماسپښين شاخوا څلور بجې رامنځ ته شوې اته کسان وژل شوي او ۱۱ نور ژوبل شوي دي.
پېښه د جلال اباد ښار د شپږمې ناحیې په فامیلیو چوک کې رامنځ شوې ده.
هغه وړاندې ویلي، په پېښه کې ټپي شوي کسان روغتون ته رسول شوي دي.
تر اوسه پورې کومې وسلوالې ډلې ددغه برید پړه چا په غاړه نه ده اخیستې.
