په افريقايي ملک اېتهوپيا کې سرکاري ټيلي ويژن ويلي په شمالي رياست امهاره کې د پوځ د کودتا په مهال پوځي مشر سره د درې نورو لوړ پوړو چارواکو وژل شوی دی.
د سرکاري ميډيا ترمخه د امهاره رياست صدر امباکيو مېکنن او د هغه مشاور هم وژل شوي دي.
په ايتهوپيا کې د قومي تاؤ تريخوالې راولاړېدو وروسته د وزیراعظم ابی احمد د سخت فشار سره مخ دی.
د ايتهوپيا وزیراعظم ويلي په امهارا کې د پوځي کودتا هڅه شوې ده. او دا کار په سیمه کې په مشکله سره په ځای کړی شوي امن ته د زیان اړولو هڅه وه.
هغه ويلي د پوځي بغاوت په هڅه کې چيف اف جنرل سټاف سارا مېکونن د هغه خپل ساتونکي ويشتی دی.
سرکاري ميډيا ويلي د بغاوت په منصوبه کې شامل ګڼ کسان نيول شوي دي.
وزیراعظم ابی احمد درې کاله وړاندې د تشدد د پېښو وروسته د اېتهوپيا واک سمبال کړی ؤ.
هغه په ملک کې د ځينو اصلاحاتو ترڅنګ په سياسي ډلو لګېدلي بندېزونه لرې کړي او ګڼ سياسي بنديوان يې هم خوشي کړي وو.
په ادېس ابابا کې د امریکې سفارتخانې ويلي د ډزو په راپورونو خبر دي او ځينې ځايي خلکو رويټرز ته ويلي چې د هېواد بولی نړيوال هوايي ډګر سره ډزې شوي دي.
د راپورونو ترمخه ويل کيږي د ملک په زياتو برخو کې خلک انټرنېټ ته رسايي نه لري.
