لاس رسیدونکی لینک

Breaking News

عمران: صدر ټرمپ ته د افغان سولې عمل مخ په وړاندې بوتلو کې د کردار ترسره کولو باور ورکوم


د پاکستان وزیراعظم عمران خان ويلي،"زه صدر ټرمپ ته باور ورکوم چې پاکستان به د افغان سولې د عمل مخ په وړاندې بوتلو کې تر خپله وسه رول ترسره کوي".

د پاکستان وزیراعظم عمران خان د امریکا د سفر په مهال د امريکايي صدر ډانلډ ټرمپ د مېلمستيا او د پاکستان د دريځ په پوهېدو يې د هغه مننه کړې ده.

عمران خان په ټويټر د افغان سولې د عمل مخ په وړاندې بوتلو کې د پاکستان کردار ادا کولو باور ورکړی او زياته کړې يې ده د څلورو لسيزو راهسې روانې جګړې وروسته په مشکلاتو کې ګېر افغانانو دپاره د امن زمينه برابرول د نړۍ زمه واري ده.

نوموړي د کشمير د مسلې په اړوند د صدر ټرمپ بيان ته د هندي رسنيو په غبرګون د تعجب څرګندونه کړې ده.

له دې وړاندې وزیراعظم عمران خان ویلي زر به د افغان طالبانو سره ویني او غږ به پرې کوي چې د افغان حکومت سره خبرې وکړي.

په واشنګټن کې د څېړنې ادارې یوایس انسټیټیوټ اف پیس کې د نهې، سه شنبې، په ورځ خبرو کې عمران خان وویل د وزیراعظم منتخت کېدو ورسته ورسره د طالبانو یو پلاوي لیدل غوښتل خو د افغان حکومت د مخالفت لا امله یې طالبانو سره د لیدلو نه ډډه وکړه.

عمران خان وویل اوس یې د امریکې صدر ډانلډ ټرمپ او افغان صدر اشرف غني سره خبرې کړې دي او زر به طالبانو سره ویني. هغه وویل د خپل وس هر کوښښ به کوي چې طالبان د افغان حکومت سره خبرو ته کښېنوي.

عمران خان طالبانو سره د لیدو خبره په داسې حال کې وکړه چې په افغانستان کې د امن دپاره امریکايي استازی زلمی خلیلزاد د بېن الافغاني مذاکراتو په لړ کې افغان حکومت سره د مشورې او طالبانو سره د خبرو بلې ناستې په غرض د افغانستان او قطر په سفر روان شوی دی.

XS
SM
MD
LG