لاس رسیدونکی لینک

Breaking News

د پوځ دپاره په قانون کې د بدلون قانوني مسوده قامي اسمبلۍ ته وړاندې کړی شوې


Pakistan Politics

د پاکستان قامي اسمبلۍ ته د پوځ په قانون کې د بدلون دپاره قانوني مسوده وړاندې کړی شوې چې د درې واړو پوځونو د مشرانو د نوکرۍ د مودې غځولو دپاره پکې بدلون وشي.

قومي اسمبلۍ ته درې قانوني مسودې وړاندې کړی شوي چې پکې د ځمکني، هوايي او سمندري ځواک د نوکرۍ د مودې غځولو خبره شوې او بيا دغه مسودې د دفاع قايمه کمېټۍ ته لېږل شوي دي.

قانوني مسودې د تحریک انصاف د حکومت د دفاع وزير پروېز خټک وړاندې کړي دي.

د قانوني مسودو وړاندې کولو وروسته اسپيکر اسد قېصر غونډه تر سبا پورې ځنډولې او ويل کیږي ښايي سبا بيا په قانوني مسوده په قامي اسمبلۍ کې رايې ورکړی شي.

د حکومت مخالفه ګوند مسلم ليګ ن د پوځي مشر د نوکرۍ د مودې غځولو په قانون کې د بدلون غېر مشروط ملاتړ اعلان کړی او پيپلز ګوند ويلي چې د پارلیماني لارې په قانون کې بدلون کيږی نو دوی به يې ملاتړ کوي.

عوامي نیشنل ګوند هم ويلي دا معامله پارلیمان ته راوړل شوې ځکه دوی يې هم ملاتړ کوي.

د تحریک انصاف حکومت د تېر کال اګست په مياشت کې د پوځي مشر جنرل قمر جاوېد باجوه د نوکرۍ د مودې غځولو پرېکړه کړې وه.

خو دغه پرېکړه بيا په سپريم کورټ کې چېلنج شوې او عدالت بيا د نومبر په مياشت کې امر کړی او حکومت ته يې وخت ورکړی چې دې په دې لړ کې دې په شپږو میاشتو کې قانون جوړ کړي.

XS
SM
MD
LG