د يوکرېن د مسافرو الوتکه د ايران په پلازمينه تهران کې غورځېدلې او د ايران ميډيا ويلي په الوتکه کې سواره ټول مسافر مړه شوي دي.
رويټرز خبري ادارې د ايراني ميډيا له قوله ويلي د یوکرېن بوئنګ ۷۳۷ الوتکه د پلازمينې تهران د امام خمېني هوايي اډې څخه اوچته شوې او لږه شېبه وروسته بيا غورځېدلې او تباه شوې ده.
د ايران سرکاري ټيلي ويژن ويلي ښايي الوتکه د تکنيکي ستونزې له امله راغورځېدلې ده.
د ايران د هوا بازۍ د ادارې وياند ويلی په الوتکه کې ۱۷۰ مسافر سواره وو.
او د ژغورنې ادارې ويلي په الوتکه دومره زورور اور لګېدلی چې دوی ترې څوک هم نه دي بچ کړی شوي.
دغه الوتکه چې د اوچتدو لږه شېبه وروسته غورځېدلې او تباه شوې د تهران نه د یوکرېن پلازمينې کېف ته روانه وه.