د افغانستان پلازمينه کابل کې نن د ګل/ دوشنبې په ورځ څلور بېلابيلې چاؤدنې شوي چې پکې افغان چارواکو د څلورو ملکي وګړو د ژوبلېدو ويلي دي.
د ای پي ترمخه د کابل پوليسو ویلي په ژوبلو کې يو ماشوم هم شامل دی.
ځينې رسنيو په چاؤدنو کې د پوليس ژوبلېدو خبر هم ورکړی خو د کابل پوليس دغه خبره رد کړې ده.
د افغان ځايي رسنيو ترمخه په کابل کې تېره شپه هم درې چاؤدنې شوې وې.
په يادو چاؤدنو کې د کومې مرګ ژوبلې خبر مخې ته نه دی راغلی.
د يادو چاؤدونو زمه واري چا نه ده منلې.
د طلوع نيوز ترمخه تېره شپه په لغمان کې د طالبانو په بريد کې لږ تر لږه شپږ امنيتي سرتيري وژل شوي او پينځه نور ژوبل شوي دي.
د دفاع وزارت ویلي طالبانو په علي شينګ ولسوالۍ کې په امنیتي پوسته بريد کړی او په نښته کې بيا طالبان په شا تمبولي دي.