څيړونکي وايي د خېبر پښتونخوا حکومت د خپل ګوند پاکستان تحریک انصاف د مشر عمران خان د جېل نه خوشي کولو د پاره بیا بیا احتجاجي مظاهرې کوي خو په صوبه کې د امنيت، معاشي او انتظامي مسايل يې له پامه غورځولي دي.

حکومتي چارواکي وايي د دوي دغه مسلې په پام کې دي او د هواري هڅې يې هم روانې دي خو صوبايي حکومت ته د وفاق نه د خپلې برخې پېسې نه ورکړل کيږي۔

د پاکستان تحريک انصاف ګوند غړي اؤ مشران په جېل کې د يو کال نه د زيات وخت راهسې د بندي خپل مشر عمران خان د خوشې کولو د پاره وخت په وخت احتجاجي مظاهرې کوي اؤ نن د جمعې په ورځ هم ددغه ګوند فعالین اسلام اباد کې د احتجاج هڅې کوي۔

څيړونکي نیوکې کوي چې پاکستان تحريک انصاف ګوند په خېبر پښتونخوا کې له قابو ۱۳ کالو راهسې په واک کې دی خو صوبه امنيتي، مالي او انتظامي امورو کې د بحران سره مخ ده۔

د پېښور ځایي خبریال عرفان خان ډیوه ته وایي"سوات کې بيا دغه خبرې کيږي چې د امنيت وضعه خرابيږي، په شمالي وزيرستان او جنوبي ضلعو کې هم دغه حال دی، کرمه کې هم مسلې روانې دي، يو ځايې کې هم انتظاميي ډهانچه يا صوبايي حکومت نه ښکاري، زه به ورته بدقسمتي وواېم چې صوبايي حکومت دې درېواړو چېلنجونو ته توجو نه ورکوي".

عرفان خان زياتوي خېبر پښتونخوا به کال 2030م پورې د درېوؤ زرو اربو روپو قرضدار شي، او په تېرو اوو مياشتو کې د کومې لویې ترقياتي منصوبې اعلان هم نه دی شوی.

د پاکستان تحريک انصاف د صوبايي اسمبلۍ غړي وايي د وفاقي حکومت نه د مرستو نه ترلاسه کېدو باوجود هم دوي د ترهګرۍ د مخنيوي او پرمختيا کارونه په مخ وړي۔

د پاکستان تحريک انصاف د صوبايي اسمبلۍ غړی ښاغلی ارشد عمرزی ډيوه سره خبرو کې وایي، "زمونږ څومره حکومت وشو دوي (وفاقي حکومت) صوبې ته خپله برخه پېسې نه دي ورکړي، مرکزي حکومت خېبر پښتونخوا ته ډېر په سپک نظر کوي، مونږ ته لا د خپلې مرضۍ بيوروکرېسي هم نه ده ترلاسه شوې، زمونږ وزيراعلا په دې سختو حالاتو کې دا صوبه چلوي".

څيړونکي وايي د خېبر پښتونخوا د بجټ نوي فيصدي نه زياته برخه د وفاقي حکومت لخوا ورکړل کيږي، د امنيت ټينګ ساتلو د پاره پوځ ته اړتيا لري او انتظامي چارو د پاره په مهمو چوکيو وفاقي افسران ټاکل کيږي، نو د وفاقي حکومت سره شخړه يې مسلې لا نورې زياتولی شي۔

د جولاي په میاشت کې د پاکستان وزیراعظم ښاغلی شهباز شریف پارلیمان ته ویلي وؤ چې د ترهګرۍ نه اغېزمنې صوبې خېبر پښتونخوا ته په کال ۲۰۱۰ کې د این ایف سي ایوارډ لاندې ۵۹۰ اربه روپۍ ورکړل شوې دي خو په دغه صوبه کې تر اوسه د ترهګرۍ ضد محکمه یا سي ټي ډي هم نه ده بشپړه شوې.

د وزیراعظم وینا وه چې د پښتونخوا ولس د ترهګرۍ په ضد جګړه کې تر ټولو زیاتې قربانۍ ورکړې دي همدا لامل دی چې په کال ۲۰۱۰م کې د ټاکل شوي این ایف سي ایوارډ په اساس دې ترهګرۍ ځپلې سیمې ته ۵۹۰ اربه روپۍ ورکړل شوې دي.

د شهباز شریف وینا وه، "مونږ سیاست کول نه غواړو خو د خېبر پښتونخوا په څېر نورې صوبې هم د ترهګرۍ سره مخ پاتې شوې دي خو د ترهګرۍ په مد کې نورو صوبو ته هیڅ نه دي ورکړل شوي".

خو د خېبر پښتونخوا حکومت بیا د وزیراعظم شهباز شریف دا دعوه د حقیقت نه لرې بللې وه اؤ ویلي یې وؤ چې شهباز شریف د دروغو په دعوؤ د خېبر پښتونخوا د برخې د پیسو نه سترګې نه شي پټولی.

د پښتونخوا حکومت ویاند اؤ د اطلاعاتو لپاره د وزیر اعلا سلا کار بېرسټر سیف وي او ای ډيوه سره خبرو کې ویلي وؤ،د ترهګرۍ په ضد جګړه کې چې پښتونخوا صوبې سره کومې ژمنې شوې دي "مونږ د هغې په اساس د وفاقي حکومت نه غواړو چې زمونږ صوبې ته دې د خپلې برخې پېسې ورکړل شي".

هغه ویلي وؤ د هګرۍ خلاف جګړه یوه هر اړخیزه بڼه لري اؤ د هغې لګښتونه بیخي ډير دي.

ویاند ویلي وؤ کله چې قبایلي سیمې په صوبه کې ورګډولی شوې په هغه مهال وفاق پښتونخوا لپاره د ځانګړي فنډ یا پنګو اعلان کړی ؤ اؤ مونږ ترې دا ځل د قبایلي سیمو لپاره د ۱۴۰ اربو روپو نه زیات ترقیاتي فنډ غوښتی دی خو وایي وفاق صوبې ته یوازې ۶۶ اربه روپۍ ورکړې دي.

د پاکستان په خيبر پښتونخوا ايالت کې د ترهګرۍ ضد پوليسو ادارې (سي ټي ډي) په خپل تازه راپور کې ويلي چې په روان ۲۰۲۴ کال کې په دغه ايالت کې پر پوليسو ۲۲۸ بريدونه شوي چې له امله يې شاوخوا ۱۰۰ پوليس وژل شوي او له ۱۷۰ زيات ژوبل شوي دي.

د پاکستان حکومتي خبري ایجنسۍ اې پي پي (اسوشيېټيډ پرېس اف پاکستان) د اکتوبر پر لومړۍ نېټه د ترهګرۍ ضد پوليسو ادارې د راپور په حواله ليکلي چې په خيبر پښتونخوا کې د روان ۲۰۲۴ کال د ستمبر مياشتې تر پايه ۴۹۲ بريدونه شوي دي.

دغې ادارې ادعا کړې چې بل خوا په همدې موده کې په خيبر پښتونخوا کې د استخباراتي معلوماتو پر اساس د پوليسو په هدفي عملياتو کې ۲۰۳ وسله وال وژل شوي او ۶۱۲ ژوندي نيول شوي دي.

راپور کې ويل شوي دي چي د سي ټي ډي غړو د ۲۰۲۴کال له پيل څخه بيا د سپټمبر مياشتې تر پايه د ترهګرۍ ۱۰۴ بريدونه شنډ کړي او دوه ځانمرګي بريدګر يې خپل هدف ته تر رسېدو وړاندې نيولي دي.

سي ټي ډي زياتوي چې له نورو قانون پلي کوونکو ادارو سره په ګډه يې په خيبر پښتونخوا ايالت کې د استخباراتي معلوماتو پر اساس ۲۲۳۲ عمليات کړي او په لوی شمېر کې يې وسله او مهمات ترلاسه کړي دي.

دا په داسې حال کې ده چې د پاکستان د خيبر پښتونخوا ايالت په جنوبي ولسواليو ډېره اسماعيل خان، لکي مروت، ټانک او بنو په ګډون د هغه ايالت په يوشمېر نورو سيمو کې هم په دې وروستيو کې د ناامنۍ پېښې زياتې شوي چې په ځانګړې توګه پوليس په نښه کېږي او پردې سربېره هدفي وژنې او د خلکو تښتول هم زيات شوي دي.

د سياسي او امنيتي چارو شنونکي عيسی خان ترين امريکا غږ ته وويل چې پوليس په ولس کې دننه کار کوي او په لارو کوڅو کې ولاړ وي نو د وسله والو لپاره د هغوی په نښه کول نسبتاً اسان وي.

هغه وويل: "د پوليسو اساسي کار د ترهګرۍ خلاف جنګ نه دی بلکې هغوی په ټولنه کې د جرايمو د مخنيوي او د قانون پلي کولو لپاره روزل شوي وي. بل خوا پوليس هغسي وسلې او تجهيزات نه لري چې د ترهګرو خلاف وجنګېږي يا د هغوی موثره مخنيویوکړي."

ترين زياته کړه چې پوځ او سرحدي ځواکونه له ولسه ليرې په خپلو مرکزونو يا چاوڼيو کې وي، نو د وسله والو ډېر زور نه ورباندې رسېږي، خو د هغه په وينا د پوليس تاڼې او دفترونه بيا د ښار په منځ کې وي چې په اسانه هدف ګرځېدای شي.

بل خوا د امنيتي چارو پوه او ليکوال فخر کاکاخېل وايي چې د خيبر پښتونخوا جنوبي ولسوالۍ د دغه ايالت له قبايلي ولسواليو سره شريکه پوله لري نو ځکه په جغرافيايي توګه "زيان پذيره" دي.

نوموړی زياتوي: "هلته بېخبنا او ادارې هم کمزورې دي او پوليس پرمختللي وسايل او سالمه روزنه نه لري."

تر دې وړاندې د پاکستان پوځ ویاند جنرال احمد شریف چودري د سپټمبر پر پنځمه (وږی ۱۵) په راولپينډۍ کې يوې خبري غونډې ته وويل چې د ترهګرۍ د مخنيوي لپاره په دغه هېواد کې پوځ،پوليس او نورې قانون پلي کوونکې ادارې د استخباراتي معلوماتو پر اساس هره ورځ تر ۱۳۰ زيات عمليات کوي.

پېښور هایکورټ د جمعې په ورځ د یو خواست یا عریضې اوریدنې په مهال پښتون تحفظ مومنټ ته په یوولسم اکتوبر په خېبر ضلعه کې د پښتون قامي عدالت پہ نوم د جرګې جوړولو اجازہ ورکړ‎ې دہ۔

د جرګې د مخنیوي دپارہ دا خواست یو ځایي تن عدالت تہ وړ‎اندي کړ‎ي و.

عدالت په ننۍ اوریدنه کې داخله سیکرټري، د پښتونخوا د پولېسو مشر او چېف سیکرټري نه په تېرو دوؤ ورځو کې د ریګي سیمې د احتجاجي ناستی د کډون والو پرضد د پولیسو لخوا د شوې کاروایۍ په هکله دتفصیلي جواب جمع کولو امر ھم کړی دی.

د پي ټي ایم لخوا په ۱۱م اکتوبر د رابلل شوې جرګې د ودرولو په ضد د درخواست ګزار وکیل عدالت ته وویل پي ټي ایم غېرقانونہ عدالت لګوي پہ ټوله پښتونخوا کې عدالتونه فعاله دي خو جسټس ارشد علي د د پښتون قامي عدالت تر نامې لاندې د رابلل شوې جرګې د اجازت ورکولو سرہ سم وویل دوي یعنی پي ټی ایم دې خپله غونډہ وکړ‎ي۔

د عدالت په دې فیصله خپله تبصره کې د سپریم کورټ وکیل نور عالم خان ډیوه ته وویل"مونږ‎ د عدالت د فېصلي ستاینہ کوو په ایین کې د خپل حق دپارہ ته پر امنه احتجاج کولی شې ،خپل حق غوښتل د هر شهري حق دی ځکه عدالت ورتہ هم وویل دوي کولی شي، دوي باندې څه پابندي نشته".

پي ټي ایم د یوولسم اکتوبر قامي عدالت دپارہ خپلي تیارۍ د روانې اوونۍ په سر کې شورو کړ‎ي اؤ د پېښور او د خېبر په پوله ریګي سېمه کې یې ددغه جرګې لپاره انتظامي کمپ هم لګولی دی خو په دغه کیمپ پولیسو دوه ورځې پرله پسې بریدونه وکړل اؤ د پي ټي ایم مشران وایي چې د دوي لخوا لګول شوې خیمې هم پولیسو سوځولې دي.

د پي ټي ایم مشر منظور پشتین د جمعې په شپه په صوابۍ، مردان، بنو او خېبر کې د خپلو کارکنانو په کورونو د پولېسو د چاپو او هغوي د نېولو په اړ‎ہ په سوشل مېډیا تبصري وکړ‎ي اؤ د هغوي نیول یې د ریاست د جبر په نوم یاد کړل۔

د درخواست ګزار وکیل عدالت ته وویل ددې کارروایۍ په اړ‎ہ د پښتونخوا وزیراعلا زباني حکم ورکړ‎ی و خو عدالت وویل د زباني حکم ھیڅ قانونی حېثیت نہ وي۔

د سپریم کورټ وکیل دانش خان اپریدی ډیوه ته وایي پي ټي ایم یو پرامنه تحریک دی اؤ د هغوي ټولې غونډې تر اوسه په پرامنه توګه شوې دي.

هغه وایي "عدالت خو ورته ځکه اجازت ورکړ‎و چې پښتون تحفظ موومنټ چې اوسه څومرہ جلسې کړ‎ې دي ،څومرہ تحریک یې چلولي دي ھغي کې هغوي تر اوسه یوہ ګمله هم نه ده ماتې کړ‎ې، نه يې چرته تشدد کړ‎ی دی، نہ د ډز خبرہ کوي، ھغوي هر ځاي کې ودریږ‎ي جلسہ کوي، تقریر کوي، سیاسي خبرہ کوي او د پښتنو چې کومې مسلي دي سیاسې مسلې دي، د امن امان دہ، په ټوله پښتونخوا کې او خصوصاً په پخوانۍ فاټا کې په ھغې باندې خبرہ کوي نو هغې کې داسې غیر قانوني خبرہ نشته".

د جمعې پہ ماسپښین د پاکستان داخله وزیر محسن نقوي وویل کہ د پي ټي ایم پہ ضد د پښتونخوا پولیس کاروايي کوي نو د دي پوښتنې ځواب یوازې صوبایي حکومت کولی شي۔

د پښتونخوا چېف سیکرټري عدالت تہ وویل ( د پي ټي ایم په ضد )دا کاروايي د مرکزي حکومت لخوا صوبایي حکومت ته د استول شوی خط وروسته کیږ‎ي او نه خو پي ټي ایم ددي غونډې اجازت نامه اخستې دہ.

خو پی ټي ایم بیا درځي لري چې دا یوه قامي جرګه دہ او د جرګو دپارہ اجازت نامه نه اخستل کیږ‎ي.

د سیمې څخه د ډیوه خبریالان وایي نن د جمعې په ورځ د جرګې دپارہ پہ ټاکل شوي میدان کې د پرون پہ نسبت زیاته ګڼه ګوڼه لیدل کیدہ۔

د پي ټي ایم صوبايي کوارډنیټر خیرالامین ډیوه ته وایي، "زمونږ‎ پروګرام بہ په مقررہ وخت او نیټه باندې کیږي، مونږ‎ چې کوم د قامي عدالت او جرګي اعلان کړ‎ی دی دا به په یو حالت کې نہ ځنډيږي که هر شان حالت راځي ،که هر څومرہ تشدد کیږ‎ي که هر څومرہ ګرفتارۍ کیږ‎ي مونږ‎ به خپل پروګرام پخپله نیټه کوو".

د پي ټي ایم د قامي عدالت دپارہ د تیاریو په ضد د زباني حکم ورکولو وروستو د پښتونخوا وزیراعلا علي امین ګنډا پور د خپل ګوند د احتجاج دپارہ نن اسلام اباد ته روان دی .

وتلي سیاستمدار افراسیاب خټک پہ ایکس رسنۍ لیکلي، د پي ټی ایم په ضد پراخه کچه عملیات په ایین کې د ورکړ‎ل شوو حقونو څخه سرغړ‎ونه دہ او د پي ټي ایی صوبايي حکومت او د مسلم لیګ ن په مرکز کې ایتلافی حکومت د طاقتورہ حلقو د ګوډاګیانو په توګه د پي ټي ایم په ضد ددې کاروایۍ د ذمه واریو نہ ځان نه شي پاکولی۔

د پاکستان د کورنیو چارو وزیر محسن نقوي خېبر کې د پښتون ژغورنې غورځنګ د جرګې په انتظامي کیمپ د پولیسو د برید په اړوند ویلي ددغه برید پوښتنه باید د پېښور له پولیسو وشي.

وړمه ورځ اؤ پرون ( زیارت - پنجشنبه) په خېبر کې پولیسو د پښتون ژغورنې غورځنګ لخوا په ۱۱م اکتوبر د رابلل شوې جرګې په انتظامي کیمپ یرغل کړی ؤ اؤ دغه کیمپ یې ور ویجاړ کړی ؤ.

د خېبر پښتونخوا حکومت ویاند بېرسټر سېف تېره ورځ پخپل یو بیان کې ویلي وؤ چې د پي ټي ایم په انتظامیي کیمپ پولیسو کارروایي د مرکزي حکومت په وینا کړې ده اؤ دې کې د صوبایي حکومت هیځ لاس نه شته.

نن د جمعې په ورځ چې کله په اسلام اباد کې د کورنیو چارو وزیر ښاغلي محسن نقوي د رسنیو سره خبرې کولې نو یو خبریال هغه نه خېبر کې د پولیسو لخوا د شوې کارروایي په هکله پوښتنه وکړه ، په ځواب کې یې ښاغلي نقوي وویل :

"دا پوښتنه باید د پېښور له پولیسو وشي چې هغوي د چا ماتحت دي؟"

د خېبر پښتونخوا صوبايي حکومت مخکې په دې اړه وضاحت ورکړی وو چې د پي ټي ایم خلاف دا "عملیات د وفاقي حکومت په لارښوونو ترسره شوي دي".

د صوبايي حکومت د اطلاعاتو مشاور بېرسټر سیف ویلي چې "د پي ټي اېم پرضد عملیات د وفاقي حکومت په امر شوي، او د وفاقي کورنیو چارو وزارت په دې اړه د صوبې چیف سیکرټري ته یو لیک هم لېږلی وو چې پکې د پي ټي اېم د ریاست ضد دریځ او د نسلي کرکې په خپرولو تور پورې شوی وو".

د کورنیو چارو وزیر اسلام اباد کې د پي ټي آي په ننني احتجاج کلکې نیوکې وکړې اؤ ويې ویل تحریک انصاف چې څه کوي ددې اجازه هر ګز نه شي ورکړل کیدای.

د کورنیو چارو وزیر وویل په ویډیوګانو کې ښکاري چې اسلام باد ته راروانو کسانو سره وسلې دي اؤ زمونږ چې څومره هم ځواکونه دي نو هغوي سره وسلې نه شته.

هغه وویل د خېبر پښتونخوا د وزیراعلا له لوري په اسلام اباد حمله کیږي اؤ ګنډا پور باید سوچ وکړي چې هغه څه کوي اؤ ولې یې کوي؟

په خیبر پښتونخوا صوبه کې واکمن ګوند تحریک انصاف نن په اسلام اباد کې احتجاج اعلان کړی دی اؤ ددغه احتجاج له امله اسلام اباد کې سخت حفاظتي ګامونه اخستل شوي دي.

څيړونکي نیوکې کوي چې تحریک انصاف ګوند پخپله ځان لپاره د احتجاج حق غواړي خو په خېبر پښتونخوا کې چې بیا ددغه ګوند حکومت دی اؤ هلته پي ټي ایم احتجاج کوي نو پولیس پرې بریدونه کوي اؤ د صوبې وزیراعلا په دغو بریدونو غلی دی.

خبریال محمود جان بابر وي او اې ډیوه ته وایي،پاکستان تحریک انصاف مدام دا ګڼي چې دوي سم دي نور ټول ناسم دي.

هغه وایي "مثال یې دا دې چې خپله د احتجاج حق غواړي خو بیا پښتون ژغورنې غورځنګ ته دا حق خپله صوبه کې نه ورکوي، یو خوا اعلا وزیر منظور پشتین سره ملاقات کوي خو بیا د پي ټي ایم په احتجاجي کیمپ باندې د پولیسو لخوا په شوي برید باندې غلی وي".

پښتون تحفظ موومنټ د روانې میاشتې په ۱۱مه نیټه د قامي عدالت په نوم خېبر ته د پښتنو یوه استازې جرګه رابللې چې ددغه جرګې لپاره پي ټي ایم د صوبې ټولو سیاسي ګوندونو، تنظیمونو اؤ د مدني ټولنو استازو ته بلنې ورکړې دي.

پي ټي ایم وایي د جرګې له لارې به نړۍ ته د پښتنو وطن کې په جنګونو اؤ ترهګرۍ کې د وژل شوؤ اؤ بې درکه کړل شوؤ پښتنو کره شمیرې وړاندې کړي اؤ نړۍ به له حقایقو خبر کړي.

په اسلام اباد کې د تحریک انصاف لخوا نن د اعلان کړل شوي احتجاج له امله اسلام آباد اؤ دې سره د تړلي ښار راولپینډۍ ټولې داخلي لارې تړل شوې دي اؤ ددغو ښارونو اکثره برخو کې د موبایل فون خدمات هم تړل شوې دي.

د سیمې نه د ډیوه خبریالان وایي چې په اسلام اباد کې کلک امنیتي ګامونه اخستل شوي اؤ د رینجرز ځواکونه ځای پر ځای کړل شوي دي.

څيړونکي نیوکې کوي چې تحریک انصاف ګوند پخپله ځان لپاره د احتجاج حق غواړي خو په خېبر پښتونخوا کې چې بیا ددغه ګوند حکومت دی اؤ هلته پي ټي ایم احتجاج کوي نو پولیس پرې بریدونه کوي اؤ د صوبې وزیراعلا په دغو بریدونو غلی دی.

پخواني وزیراعظم عمران خان د اډیاله زندان نه په ټولنیزه رسنۍ ایکس خپل یو پیغام کې ویلې دي نن به اسلام آباد کې احتجاج کیږي اؤ سبا به لاهور ښار کې احتجاج وي.

هغه ویلي ګوند یې د حقیقي ازادۍ جنګ کوي اؤ دا جګړه به ګټي.

خبریال محمود جان بابر وي او اې ډیوه ته وایي، پاکستان تحریک انصاف مدام دا ګڼي چې دوي سم دي نور ټول ناسم دي.

هغه وایي "مثال یې دا دې چې خپله د احتجاج حق غواړي خو بیا پښتون ژغورنې غورځنګ ته دا حق خپله صوبه کې نه ورکوي، یو خوا اعلا وزیر منظور پښتین سره ملاقات کوي خو بیا د پي ټي ایم په احتجاجي کیمپ باندې د پولیسو لخوا په شوي برید باندې غلی وي".

دا احتجاج په داسې حال کې کیږي چې تیره ورځ سترې محاکمې یا سپریم کورټ د دستور د آرټیکل 63A په هکله د خپلې یوې پخوانۍ فیصلې پرضد اپیل منظور کړی دی اؤ دې له وجې به اوس د پارلیمان غړي کولی شي چې د خپل ګوند له خوښې بغیر قانون سازۍ کې یا بیا د وزیراعظم انتخاب د پاره خپله رایه د خپلې خوښې په اساس ورکړي.

دا فیصله په داسې وخت کې مخې ته راغلې ده چې په پاکستان کې د حکومت ستر مخالف ګوندونه د حکومت لخوا د شپږویشتم آییني ترمیم مخالفت کوي.

د جمعیت علما اسلام مشر مولانا فضل الرحمان رسنیو ته ویلي موجوده پارلیمان د ولس استازی نه دی، دې پارلیمان نه دا ترامیم منظورول به زیاتی وي.

هغه ویلي دوي به خپل پارلیماني کردار جاري ساتي اؤ ټينګار یې کړی چې حکومت باید د یو تن اؤ سیاسي مقصد د پاره ترامیم ونه کړي.

د مولانا فضل الرحمان په خبره "داسې ترامیم نه غواړو چې د بنیادي حقونو پرضد وي اؤ پوځ نور پیاوړی کوي"

بلخوا پاکستان تحریک انصاف ویلي دي که چرې حکومت دا اییني ترامیم درویشتم اکتوبر پورې پارلیمان ته وړاندې نه کړي نو دوي به خپل حتجاج وځنډوي.

په دې نیټه د موجوده چیف جسټس د ملازمت موده پوره کیږي.

دا مهال اسلام آباد په مکمله توګه د کنټنیرونو له لارې تړل شوی دی اؤ اسلام آباد اؤ راولپینډۍ ښارونو کې د موبایل فون د خدماتو ځنډول کېدو تر څنګ پنډۍ، لاهور، سرګوده اؤ اټک ښارونو کې رینجرز هم راغوښتل شوي دي.

د کورنیو چارو وزیر محسن نقوي له وړاندې ویلي که اسلام آباد کې چا د احتجاج هڅه وکړه نو سخت عکس العمل سره به مخامخ کیږي.

خبریال شیراز احمد شیرازي ډیوه ته وایي، دا وخت د حکومت ټوله توجو په دې ده چې څنګه دا ثابته کړي چې پاکستان تحریک انصاف ېو ترهه ګر اؤ هیواد پرضد ولاړ ګوند دی.

هغه وایي د دې ښکاره مثال په نهم مې د احتجاج نه پس دد ې ګوند په مشرانو باندې د ترهه ګرۍ درج شوې مقدمې دي.

د شیراز احمد په خبره ،داسې ېو ګوند د احتجاج نه ایسارول ېو غیر جمهوري عمل دی ځکه چې هر چاته د احتجاج حق د پاکستان دستور ورکوي.

پاکستان تحریک انصاف ګوند په ګرد هیواد کې خپل احتجاج یو بنیادي حق ګڼي خو بیا ورباندې په ټولنیز رسنیو دا تنقید هم روان دی چې خیبر پښتونخوا صوبه کې چې ددغه ګوند حکومت دی هلته د پښتون ژغورنې غورځنګ لخوا رابلل شوې جرګه باندې د پښتونخوا پولیس بریدونه کوي اؤ د صوبې وزیراعلا په دې بریدونو غلی دی.