د افغانستان په شمالي صوبه بلخ کې د افغان پوځ د کمانډو ځواکونو په پوسته يو موټري بمي بريد شوی چې پکې د دوه تنو د وژل کېدو ويل شوي دي.
د افغانستان ځايي مطبوعات وايي په بريد کې يو د کمانډو سرتيری او بل عام تن وژل شوي او د 25 پورې کسانو ژوبلېدو پکې ويل کيږي.
د ياد برید په اړه د افغانستان د اطلاعاتو د وزارت ویاند طارق ارين ويلي، دغه موټري بم بريد سهار په نهه بجې په بلخ ولسوالۍ کې د حېواناتو د کلېنک سره نزدې شوی دی.
ويل کيږي د بريد زمه واري تراوسه چا نه ده منلې.
د وي او ای اشنا څانګې ترمخه د ياد ولايت د پوليس وياند عادل شاه عادل د بريد پخلی کړی چې د افغان امنيتي کمانډو په پوسته شوی دی.
د خبر ترمخه چارواکو په بريد کې د افغان کمانډو سرتيري د وژل کېدو پخلی کړی دی.
پرون د ګل/ دوشنبې په ورځ په غزني کې د موټر په بم بريد کې د درې امنيتي سرتيرو د وژل کېدو او لږ تر لږه نهه نورو د ژوبل کېدو ويل شوي وو.
طالبانو د بريد زمه واري منلې او په برید کې زياتو سرتيرو ته د مرګ ژوبلې اړولو دعوه کړې وه.
