لاس رسیدونکی لینک

Breaking News

پکتیا: د طالبانو په بريد کې درې سرتيري وژل شوي


د افغانستان په ختيځه صوبه پکتيا کې طالبانو د عامې ساتنې په کنډک بريد کړی چې پکې لږ تر لږه درې سرتيري وژل شوي او پينځه نور ژوبل شوي دي.

په بريد کې د اوختې مرګ ژوبلې پخلی د پکتيا ګورنر حليم فدايي کړی او په ټویټر يې د بريد جزيات ورکړي دي.

نوموړي ويلي دغه موټري بمي بريد سهار وختې د پکتيا په مرکز ګرېز کې د عامې ساتنې په کنډک شوی او هغه بيا په پېښه کې د درې سرتيرو سره د درې ځانمرګي وژل شوي دي.

هغه ويلي يو بريدګر په ودانۍ کې دننه چاؤدنه کړې او دوه نور بيا د امنيتي ځواکونو له لوري وژل شوي دي.

د طالبانو وياند ذبيح الله مجاهد د بريد زمه واري منلې ده.

ځايي چارواکو ويلي بريد نزدې لس دقيقي روان ؤ.

په پکتيا کې طالبانو دا تازه بريد په داسې حال کې کړی چې افغان ولسمشر اشرف غني د سولې د خبرو دپاره غړي ټاکلي دي.

XS
SM
MD
LG