لاس رسیدونکی لینک

Breaking News

د پي اېس اېل پينځم پاتې سيالۍ به په نومبر کې ترسره شي، پي سي بي


د پاکستان کرکټ بورډ (پي سي بي) اعلان کړی چې د پاکستان سپرليګ (پي اېس اېل) پينځم پاتې سيالۍ به په نومبر (2020) کې په لاهور کې وشي.

دا سيالۍ د مارچ په میاشت کې د کرونا وبا له امله وروسته کړی شوې وې.

پي سي بي ويلي د پاتې سياليو نېټې يې د لوبډلو د انتظامیې سره د مشورې وروسته ټاکلې دي.

خو د سيالو دپاره وخت نه دی ټاکل شوی چې څه وخت به پېل کيږي، د ورځې يا د شپې.

ویل شوي د سياليو کتلو دپاره به د خلکو د تلو ختمي پرېکړه د اکتوبر په مياشت کې کولی شي.

د پي سي بي د بيان ترمخه کومې څلور سيالۍ چې پاتې شوي هغه به په 14، 15 او 17 نومبر ټولې په لاهور کې کولی شي.

په دغو سيالو کې به د مخکې تلو (کواليفائر) دپاره د ملتان او کراچۍ لوبډلې مخامخ کیږي، او بل لور ته به د لاهور او پېښور لوبډلې مخامخ کيږي.

د کراچۍ او ملتان په لوبډلو کې ګټونکې لوبډله به په 15 نومبر د لاهور او پېښور لوبډلو ترمنځ د سيالۍ د ګټونکې سره مخامخ کيږي.

د پي سي بي ترمخه په 17 نومبر به د پي اېس اېل پينځم فاينل وي.

په پي اېس اېل پينځم کې شپږ لوبډلې پېښور زلمي، کوټه ګلېډي اېټرز، اسلام اباد يونائيټډ، ملتان سلطان، لاهور قلندرز او کراچۍ کنګز لوبډلې لوبېدې.

XS
SM
MD
LG