لاس رسیدونکی لینک

Breaking News

د کرونا وايرس له امله ګومل پوهنتون د 15 ورځو دپاره تړل شوې، ویاند


ګومل پوهنتون

په ډېره اسماعيل خان کې په ګومل پوهنتون کې په څلورو زده کوونکو کې د کرونا وایرس مالومېدو وروسته پوهنتون د 15 ورځو دپاره تړل شوې ده.

د پوهنتون وايس چانسلر افتخار احمد په پوهنتون کې په زده کوونکوکې د کرونا وایرس مالومېده تاييد کړي دي.

وي او ای ډيوه سره په خبرو کې هغه وويل د کېسونو مخې ته راتلو سره سم روان کلاسونه تړل شوي دي.

او د پوهنتون لخوا په خپره شوې اعلاميه کې ويل شوي نن د 15م نومبر څخه به د 15 ورځو پورې کلاسونه نه اخستل کیږي او امتحانونو به روان وي.

د پوهنتون د وياند راجه ترمخه د مرستیال کمشنر لخوا په پوهنتون کې د کرونا معاينې شوې وې او په هغو کې په څلورو زده کوونکو کې د کرونا وايرس مالوم شوي وو.

هغه وويل چې کوم امتحانونه روان دي هغه زده کوونکو ته ويل شوي چې د کرونا څخه بچ کېدو دپاره په ټولو لارښوونو عمل کوي.

له دې نه علاوه د کلاسونو تړل کېدو سره نوموړي وويل د پوهنتون هاسټلې هم خوشې کړی شوي دي.

ګومل پوهنتون په داسې حال کې تړل شوی چې په ملک کې د کرونا وایرس دوېمه چپه روانه ده او ورځ تر بلې د کرونا پېښې سېوا کيږي.

په پاکستان کې نن د 15م نومبر پورې د کرونا څخه 7141 کسانمړه شوی دي.

XS
SM
MD
LG