لاس رسیدونکی لینک

Breaking News

امريکايي انتخابات په ظاهره جو بايډن ګټلي، د اقتدار د منتقلۍ اجازه ورکړی شوې


د امریکې د عمومي خدماتو انتظامي ادارې [جنرل سروسز اېډمنسټرېشن/ جي اېس ای] ويلي په ظاهره د درېم نومبر د امريکې انتخابات جوبايډن ګټلي دي.

او صدر ډانلډ ټرمپ يادې ادارې ته د اقتدار د انتقالولو د تیاريانو لارښوونه کړې خو ورسره یې ویلي خپله مبارزه به جاري ساتي.

جي اېس ای د امریکا د عمومي خدماتو هغه انتظامي اداره ده چې د نورو مرکزي ادارو سره مرسته کوي او د اقتدار د منتقلۍ زمه واري لري.

د جي اېس ای مشرې ايميلي مرفي نوي ټاکل شوي صدر جوبايډن ته په خط کې ویلي چې د هغه د ګټې فېصله هغې د قانون ترمخه او بې د فشاره کړې ده.

هغې زياته کړې په دغه لړ کې پرې د سپينې ماڼۍ يا د بل کوم ځای يا ادارې څخه هیڅ فشار نه ؤ.

ويل شوي مرفي د بايډن د ګټې خبره په داسې حال کې کړې چرته چې صدر ټرمپ ووټونه چېلنج کړي او په دغه کوشش کې پاتې راغلی چرته چې د دواړو کانديدانو سخته مقابله وه.

د مشي ګن رياست انتخابي چارواکو د ګل/دوشنبې په ورځ د جو بايډن د ګټې ويلي دي، د ټرمپ انتخابي کمپاين د نورو رياستونو سره په مشي ګن کې هم د درغلۍ تورونه لګولي وو.

صدر ټرمپ ويلي امریکايي ګټو ته په کتو يې ايمیلي مرفي او د هغې ټيم ته لارښوونه کړې چې د اقتدار د منتقلۍ دپاره د قانون ترمخه کار پېل کړي او خپل ټيم ته يې دغه ډول لارښوونه کړې ده.

بل لور ته نوي منتخب صدر جو بايډن د خپلې کابينې په جوړولو لاس پورې کړی دی.

د امریکې د نوي صدر د څوګند پورته کولو دپاره 20م جنوري 2021 ټاکل شوې نېټه ده.

XS
SM
MD
LG