امریکې ويلي د بشري حقونو د ساتنې او د بشري حقونو د ودې دپاره کار کوي، دغه خبرې د امریکا د بهرنيو چارو وزیر انتوني بلينکن د ملګرو ملتونو د بشري حقونو د شورا غونډې ته په وېنا کې کړي دي.
نوموړي امریکا اراده لري چې د بشري حقونو په لړ کې د شورا سره کار وکړي. هغه ویلي د خپل اثر سره د کار دپاره به امریکا د بشري حقونود شورا د کال 2020 نه 2024 پورې په انتخاباتو کې ګډون کوي.
د امریکا پخواني صدر ډانلډ ټرمپ په کال 2018م کې د يادې شورا څخه بيل شوی وو، نوي صدر جوبايډن روان کال په فرورۍ کې په شورا کې د مبصر په توګه ګډون کړی وو.
بلينکن د بشري حقونو د ازادۍ د ساتنې په لړ کې د میانمار د پوځي بغاوت په اړه پاملرنې ته په کتو ستاينه کړې خو د اسرایل سره په غېر مناسبه رويه يې په شورا ټکونه هم کړي دي.
هغه منلې چې د بشري حقونود ساتنې په لړ کې د امریکا ریکارډ ډېر ښه نه دی او ښه کېدو ته اړتيا لري. خو هغه ويلي د بايډن انتظاميه په کورنۍ او بهرنۍ کچه په منظم ډول د نسل پرستۍ پرضد جګړې اراده لري.
د امریکا د بهرنيو چارو وزیر ویلي امریکا به د بې وسه خلکو د حقونو دپاره مبارزه کوي چې پکې ښځې او جينکۍ، هم جنسه او مذهبي او د لږکيو ډلې هم شاملې دي.
هغه ويلي امريکا به د هغو ملکونو غندنه جاري ساتي چرته چې د بشري حقونوسرغړونه کيږي لکه وينزويلا، نکارګوا، کيوبا او ايران.
بلينکن چې په لومړۍ ځل په ياده شورا کې ګډون کړی د شورا څخه يې غوښتي چې د دغه غونډې نه ګټه پورته کړي او په نړۍ کې چې چرته هم څه ماملات د اندېښنې وړ جوړيږي د هغې د هواري دپاره دې د قراردادونو ملاتړ وکړي.